Monday, October 16, 2017

දානිගල | Alien Mountain

මෙවර චාරිකා සටහන
දිනය :- 2017/08/19-20 
ස්ථානය :-  දානිගල  | Alien Mountain
කොළඹ සිට දුර යාමට හා ඒමට :- ආසන්ව කිමි 500(කොළඹ->පොලොන්නරුවේ->දිඹුලාගල ->දෙහිඅත්තකණ්ඩිය-> අරලගංවිල->දම්මින්න ->කන්දේගම ධනංජය රජමහවිහාරය. )
නැරඹිය හැකි දේ :-  දානිගල  | Alien Mountain
ප්‍රවාහනය  :- මොටර් රථයක්
පිරිස :- හතරයි

ඒකාකාරි පැවැත්ම හෝ සංකල්පයක් දැන් මට නැත. මක් නිසාද යත් රජයේ පවතින අභ්‍යන්තර අර්බුද, ක්‍රිකට් කණ්ඩායම දිගින් දිගටම ලබන පරාජයන්, මුස්ලම් අක්‍රමණ , එමතුද නොව, කුඹියෝ(ITN සෙන ඉරි රාත්‍රී 8.00) දෙන ගේම් වල අැති සරළබවත්,  සදහටම ඔබ මග‍ේ නට්‍යයේ ඉෂානිට(දෙරණ සතියේ දිනවල රාත්‍රී 8), හීනයක්ද මේ  හි රානාජී, කෝසලා(හිරු සතිෙය් දින වල රාත්‍රී 9), අශෝක(දෙරණ සෙන ඉරි රාත්‍රී 8.30) හි  අඛන්ඩ භාරතයත් මට මගේ ප්‍රශ්න මෙනි. අන්තර්ජාලයට වඩා රූපවාහණියට දැඩ් ඇල්මක් දක්වන සමයකි. ඔෆීස් රාජකාරි වලින් මා එදා හෝ අද හෝ මතුමනාවේ හෝ බිසී නොවන අයෙකි. එමනිසා  ඒ ගැන කතා කිරිමට අවැසි නොවේ. නමුත් කුමක් හෝ කාරණාවක් නිසා අවසන් වරට ටිප් එකක් සෙට් උනේ ගිය පෝයට පානමය. එය වෙනම ලිවිය යුතු මාතෘකාවකි‍. ඊට කලින්‍ ගිය ගමනක්  සඳහා වර්ෂයකට පෙර පෝසට් එකක් ඇත(Great Western - ග්‍රේට් වෙස්ටර්න්). 

හදිසි ට්‍රිපක් ලෙස තිසර ගේ ආරාධනයෙන්, චන්දුලගේ ප්‍රවාහන පහසුකමින්, කවිඳු ගේ ගගන ගත වීමෙන් 19 වනදා රාත්‍රී 12ට  පමණ කොළඹින් පිටත්ව ගියමු. උදෑසන හය පමණ විට දම්මින්නට ලඟ වී අප්ප උදෑසන අාහාරය ලෙස රණසිංහ ස්ටෝස් වෙතින් ලබාගතිමු. දම්මින්න යනු ත්‍රස්තවාදී සමයේ දැඩි ලෙස ප්‍රහාරයට ලක්වූ ගමකි. ඉතාම කුඩා හංදියකි. තොප්පිගලට හා දානි ගල දෙසට පාර බෙදීයන්නේ මෙම මංහසන්දියෙනි.

කන්දේගම රජමහාවිහාරයේ විහාරධිපති ස්වාමින්වහන්සේගෙන් අවසර ලබාගෙන කුඩා හිමිනමකගේ මඟ පෙන්වීමෙන් කන්ද නැගීමට පටන් ගන්නා ස්ථානයට යන විට උදෑසන 7.45 ට පමණ අැත. සංචාරකයන්ගේ පැමිණීම ඉතා අල්ප බැවින් කන්ද මුදුනට ලඟා වීමට අඩිපාරක් නැත. මුල සිටම  සොයාගෙන යායුතුය. අපට මඟ  වැරදුනු පළමු ස්තානය ලෙස සඳහන් කල හැක්කේ කටාරම් කෙටු ගල්  ලෙනකි. ඉන් වමට යන්නේද දකුණට යන්නේද යන ප්‍රශ්නයට පිළිතුර වූ දකුණ තෝරාගැනීම නිසා අපට මඟ වැරදින. නමුත් එතරම් දුරක් දකුණට බර නොවූ නිසා මඟ වැරදුනු බව වැටහීමත් සමඟ අාපසු වම් පැත්ත බලා යාමට නැවත කටාර්ම් කෙටූ එ් ගුහාව ලඟටම පැමිණියමු. එම ගුහාව ලඟින් වම් පැත්තට ඉහළට යන විට දෙපැත්තේ කලු ගල් මත කතිර ලකුණ යොදා තිබිම දැකීම සතුටට කරුණක් උනත්, මඟ දැන ගැනිම සඳහා විසිකරන ලද ප්ලාස්ටික් බෝතල් අවශ්‍ය නැති බව තරයේ මතක තබා ගත යුතුය. කතිර සටහන් එක දිගට නොමැත. එම නිසා ඊලඟ කතිර ලකුණ  සොයාගැනිමට පෙර ඔබට මඟ වැරදිය හැකි නිසා ඉතා කල්පනාවෙන් ගමන් කරන්න.

අතරමඟ හමුවන සැතපෙන බුදු පිළිමය නිදන් හොරුන්ගේ ග්‍රහනය හසුවි අැත. කන්ද තරණයට ඉහළට නැගිය යුතු උවත් මෙම පිළිමගෙය ලඟින් කල් ගල් පර්වතයට සමාන්තරව එය වටා පහළට බැසිය යුතු බව මතක තබා ගැනිම ඔබව අතරමං වීමෙන් වලකාලනු අැත. එලස යන විට සමහරක් තැනක කතිර ලකුනු හෝ ඊතල දැකිය හැක. තවත් තැනක කූඩා ගල් වලින් නිර්මිත ඊතල දැකිය හැක. එය හුදෙක් මාගේ නිර්මාණයකි. ඔබත් කැමති නම් ඊතලක් සදා නව සම්ප්‍රදායක් ගොඩ නගන්න. ගුහාවකට කෝටු සිටුවානවාට වඩා එය  වැදගත් වනු අැත. එලස ඉහළට ගිය අපට උදෑසන 10 පමණ වන විට කන්ද මුදුනට ලඟා වීමට හැකි විය. නමුත් අප සතු වතුර බෝතල් අවසාන මොහොත ගෙවී යමින් තිබුණි.

කන්ද මුදුනේ පැයක පමණ කාලයක් ගත කර නැවතත් පහළට බැසීන විට එකොළහ පසුවී තිබුණි. ගිය මඟ හරි වුවත් එන මඟ අපට වැරදුණි. එ්හි ප්‍රතිඵලයක් ලෙස වටින්ම කලුගල් වලින් වටවූ ගල් ගුහා සහිත තැනක කොටුඋනි. නමුත් අාපසු හැරී ගොස් නැවත නිවැරදි මඟක පල්ලම් බැසීම යනු දුෂ්කර කටයුත්තක් නිසා. තිසර මධුවන්ත අවට විපරම් කරමින් වලෙන් ගොඩ එ්මට උත්සාහ දරණ විට ගල්ගුහාවක් අතරින් ඉතා පහසුවෙන් අප කන්ද නැගිපාරටම අවතීරණ වීමට හැකි විය. අතීතයේදි  සියලු ගල් ගුහා එක් කරමින් විීධිමත් මාර්ග පද්ධතියක් තිබෙන්නට අැත. නමුත් අද සියල්ල වනයට යට වී අැත. දැඩි වතුර පිපාසයකින් යුතුව පහළට බැසගෙන අැති තරම් වතුර පාණය කර ක්ෂනිකයෙන්  කොළඹ බලා පිටත් උනෙමු.

කඳු නැගීමෙන් ලැබන ලබ්බක් නැත. නගින මහන්සියත් , බසින මහන්සියත් හැර කන්දමුදුනට නැගීබව දැනෙන අතීමාංසික ප්‍රීතය අාහාර  කාොට ඊලඟ කන්දත් සොයාගෙන තරණය කරමු.


විඩියෝ හා ඡායාරූප - Sense Imagery









උපදෙස්
1. වතුර රැගෙන යන්න
2. හැකි නම් ගල් ඊතල සාදන්න
3. පන්සලක් නිසා විනීතව හැසිරෙන්න
4. සපත්තු අනිවර්යය නොවේ .. මම නැග්ගේ  DSI රබර් ජෝඩුවෙන්
5. උදෑසනම කන්ද නගින්න.. රෑ උනොත් කෙලියා තමයි
6. මදුරු විරෝධන අලේපන රැගෙන යන්න
7. රිලවුන්ගෙන් පරිස්ම් වන්න.



හික්කඩුව Sailors' Bay - Hikkaduwa - කොරෝනා

   කොවිඩ් ඇවිත් අවුරුද්දකටත් වැඩියි. ට්‍රිප් නොගිහින් අවුරුදු දෙකකටත් වැඩියි. ඔක්කොමත් හරි බ්ලොග් ඒකට පෝසට් ඒකක් අන්තිමට දාලා තියෙන්නේ 2019....