Sunday, December 26, 2010

ලංකාවේ මාකටිං/ප්‍රචාරණ සංකල්පය වෙනස් කල යුතුයි.

ඈත අතීතය ගැන කතා පැත්තකින් තියලා මෑත අවුරුදු 20 ක 30 ක ඉතිහාසය හා වර්තමානයේ ලංකාව තුල අලේවිකරණ සංකල්පය හෙවත් මාකටිං පිළිබඳව මට දැනෙන විදිහට එක දිශාවක් ඔස්සේ පමණක් කතා කරන්න තමයි අද හදන්නේ. අලෙවිකරනය එහෙමත් නැත්නම් සරළ භාෂවෙන් කිව්වොත් මාකටිං, බඩු බහිරාදිය විකීණමට පමණක් යොදාගන්න සංකල්පයක් නොවෙයි. අද වන විට ලංකවේ සේවා හෝ විවිධ සමාජීය ව්‍යපෘති සඳහාත් මේ සංකල්පය යොදගන්නවා. සරළ උදාහරණ කිව්වොත් වෙසක් එකට දන්සැලක් දෙද්දි පුවක් ගහක් හිටවනවා සති දෙක තුනකට කලිං. නැත්නම් බැනර් එක්ක දානවා පාර පටන් ගන්න තැනින්. දේශපාලනයට බර දන්සැලක් නම් රූපවාහිණියේ ගුවන් විදුලි මධ්‍යත් යොදාගන්නවා. දන්සැල කියන සරළ ප්‍රදේශයකට පමණක් සීමා වෙච්ච දෙයක් , මුලු ලංකාවම දැනුවත් කල යුතු දෙයක් නොවෙයි. නමුත් ප්‍රචාරණය තුලින් වෙනත් ලාභ ප්‍රයෝජන තකා තමයි ප්‍රචාරණයට පහසු වෙනත් මධ්‍ය භාවිත කරන්නේ.

මෙන්න උදාහරණ ටිකක් ලාංකාව් වර්තමානයේ කොහොමද විවිධ ආයතන තම තමුන්ගේ භාණ්ඩ හා සේවාවන් ප්‍රචලිත කරගන්නේ හා වර්ධනය කරගන්නේ කියලා.

1.ශ්‍රී එෆ් එම් - කනා මැදිරි රාත්‍රිය.
නාගරිකයන්ට හා අර්ධ නාගරිකයන්ට මේක ඇහෙන කොට හරියට නිකන් නයාට අඳුකොළ වගේ. නමුත් තවමත් ලංකාවේ ග්‍රාමීය ජනතාවගේ ඝනත්වය වැඩියි. ඒම නිසා යම් යම් නිරික්ෂණ සංගනන හෝ විශ්‍ලේෂනයන්ට අනුව තවමත් ගුවන් විදුලිය අසන බොහෝ රසිකයෝ ඉන්නේ ගම් වල. ඒ අය දිවා කාලයේදි කෘෂිකාර්මික කටයුතු කරලා හවස් වෙද්දි ගෙදර ඇවිත් කාන්සිය මාන්සිය යන්න ගුවන් විදුලිය තමයි යොදාගන්නේ. මේන්න මේ සරල හිඩැස පුරවන්න ශ්‍රී එෆ් එම් එකට පුලුවන් උනා. එකනේ දැන් ඔය තව වෙනත් නාලිකාත් ඒ වැඩේම පටන් අරන් තියෙන්නේ.

2.අලියා බීම පොඩි ලොකු බෝතල්
බීම හෝ පැනි බිම කියන වර්ගයන් බොහෝ අලේවි වෙන්නේ පායන කාලවලට, මෙන්න මේ කාලෙට අලිය මිලි 400 බෝතල් කඩ වල අඩුයි. හැබැයි අර පොඩි බෝතලය ඕන තරම්  තියනවා. මිලි 400 බෝතලය දෙන්නෙක් අරං බිව්වට, අපේ එවුන්ට පුලුවන්ද ‍පොඩි බෝතල් එකක් දෙකට බෙදාගන්න. ඒ හන්දා අනිවර්යයෙන්ම ‍ලොකු බෝතල් නැති හින්දා ඒ වෙනුවට පොඩි බෝතල් දෙකක් ගන්නවා,  දෙන්නෙක් මේ පායන කාලයක කඩේට ගියොත්.

3.එකක් ගන්නකොට තව එකක්
තීන්ත විකුණන ප්‍රසිද්ධ සමාගමක, තින්ත හදද්දි එක් තීන්ත කලවම් කරන බැරල් එකකට දඩූ ලේනෙක් වැටුනලු. දැන් මේ තින්ත බැරලයේ පුරාවට දඩු ලේන් මයිල්. මේක විසික් කරන්නත් බැහැ. ඒ හන්දා ඒක වෙළඳ පොළට නිකුත් කලා, තීන්ත ලීටරක් සමග තීන්ත ගාන බුරුසුවක් කියලා. 

ඉහතින් සඳහන් කලේ විවධ වර්ගයට අයත් සරල උදාහරණ තුනක්. ඒ ඒ අයාතනයන් කොහොමද තමුන්ගේ ජනප්‍රියතාවය හෝ අලෙවිය වැඩි කරගන්නේ යම් යම් උපක්‍රම මගින් කියලා. පේනවා නේද කූට උපක්‍රමත් තියනවා කියලා.

දැන් බලමු ලංකාව තුල කොහොමද විවධ වූ සාමාජීය ස්තරයන් පවතින්නේ කියලා. වැඩිපුරම ඉන්නේ රූපවාහිනයට ඇබ්බැහි වුනු පිරිසක්, ඊලඟට ගුවන් විදුලිය, තව කොටසක් පුවත් පත්. දැන් දැන් ගොඩ නැගෙමින් පවතින හා ඉතා සීග්‍රයෙන් වැඩි වෙමින් පවතින්නේ අන්තර්ජාල මධ්‍ය. මේ එක් එක් මධ්‍ය කරා රොක් වෙන පිරිස සිතන පතන ආකරය වෙනස්. එම නිසා ඉදිරියේදි ආයතන හා සංවිධාන වලට එන ප්‍රධාන ගැටලුව තමයි, මේ එක් එක් ස්තර සඳහා වෙනස් වූ උපක්‍රම භාවිතය. මොකද එකම දේ උනත් මාකට් කරද්දි භාවිත කරන ප්‍රචාරක උපක්‍රම වෙනස් වෙන්න ඔනේ.

සරළ උදාහරණයක් මේ විදිහට කිව්වොත්, දැන් ඔය සංගීත ප්‍රසංග තියනවානේද? බලන්න ගායකයන්ගේ නම් දාද්දි කොහොමද දාන්නේ. තාරුණ්‍යය/ බස් සින්දු / සම්භාව්‍ය ගීත / සරල / රාගීක මේ ඔක්කොම කලවමේ. එතකොට ඒ ඒ අය එන්නේ ඒ ඒ අදලා කොටස සඳහා. නමුත් අන්තිමේදි සෙනග පිරිලා සංගීතේ බලන්න.

අලෙවිකරණයත් සාර්තක වෙන පාරිභෝගිකයත් නොරු‍වටෙන ප්‍රචාරණයේත් හොඳම පල ප්‍රයෝජන ගැනීමට නම් සිදුවිය යුතු එකම දේ සමාජය දැනුවත් වීමයි. බලන්න දැන් සමහර උදාහරණ තියනවා සමාජයේ පතුලට කිඳා බැහැලා, 

සෙරප්පු කිව්වොත් - බාට දෙක කියලා
ඔලුව කැක්කුම - පැනඩෝල්
ජංගම දුරකතන - සෙල්ටෙල් - මේක නම් පරණ එකක් දැන් නම් සෙල්ටෙල් කියන දේ මේ කජු කිරි කොල්ලෝ දන්නවයෑ :D 
කූජීත චැනල් එක - සිරස :D

අපිට අදාලව
අන්තර්ජාලයේ සෙවිම් - ගුගුල් කරනවා
බ්ලොග් අවකාශය තුල පරණ සින්දුවක් නම් - හද ගී පොත
ෆිල්ම් එකක් නම් - බයිස්කෝප්
බේබදු නම් - මේවා පුරවගන්න :D

ඉහත උදාහරණ වල වැදගත්ම එක තමයි සෙල්ටේල් කියන එක. ඔවුන් එච්චර තැනක් තිබිලත් ඒ තැන රැකගන්න බැරි උනා. මේ ලිපියෙන් කිය උනේ දැනට තියන තත්වය, ඉදිරි ලිපියකින් පැහැදිලි කරන්නම් කොහොමද අලුත් සංකල්ප තුලින් එක් එක් ස්තරයන් ජයගන්නේ කියලා. හැබැයි ඉතින් මගේ දැනුම පාරසය තුල පමණයි ඕන් :D

වැප්

Friday, December 24, 2010

අවුරුද්දක් ගෙවී ගිය වගයි !

අහඹු ලෙස සිංහල බ්ලොග් කරණය යොමු වූ මම අද දිනයේ ප්‍රථම වර්ෂ පුර්ණය සමරමි. මීට හරියටම වර්ෂයකට පෙර, එනම් වසර 2009 දෙසැම්බර් මස 24 වන දින වැප් යන නමින් සිංහල වියණුවක් ඇරඹුවෙමි. වසරක් ගෙවි යන අද දින මෙයට අලුත් ඇඳුමක් සොයා දුන් රොකියා විශේෂ ස්තූතියක් පුදකරමි. මීට අමතරව මගේ බ්ලොග් කෙරුවාව යන ලිපිය මගින් මෙයට ශක්තියක් වූ බොහෝ පිරිසකට මාගේ හෘර්දයාන්ගම කෘත වේදිත්වය එදවස එසේ පුද කළෙමි.

සිංහල යුනිකොඩ් ගැන වසර 2008 සිට දැන සිටියත් සිංහල බ්ලොග් අවකාශයක් ගැන දැන නොසිටියෙමි. මුලින්ම  සිංහල ලිපි සොයා ගනු ලැබුවේ ගූගල් හි සිංහල කියා සෙව්මක් කිරීමෙනි. එහි එන බ්ලොග් ලිපි මුලින් මුලින් රසවින්දෙමි. ඉන්පසු අහම්බෙන් මෙන් සිංහල බ්ලොග් කියවනය හමු විය. සිංහල අලුත් ලිපි සොයාගැනිමට පහසු මගක් වූ සිංහල බ්ලොග් කියවනය ඉන් පසු සෑම උදෑසනකම පරිගනක තිරය මත දිගහැරි ගියේ පුරුද්දක් ලෙසටය.ඉන්පසු කොත්තු අඩවියද මේ සඳහා යොදාගතිමි.  2009 ඔක්තොම්බර් මස මුලින්ම බ්ලොග් සඳහා ගූගල් හි ලියාපදිංචි උනත් බ්ලොගයක් ඇරඹෙන්නේ ඉන් මාස තුනකට පසුවය. එදා බ්ලොග් කියවීමෙන් ලද පන්නරය මාගේ බ්ලොග් ගමනට ශක්තියක් වි ඇත.

විවධ වූ වර්ග යටතේ මසකට ලිපි හතරක් හෝ පහක් දැමිම සමාන්‍ය සිරිත උනත් පසුව එය මසකට දෙක දක්වා අඩුවි ගියේ අදික කම්මැලිකම නිසා බව ඉතා කණගාටුවෙන්  වුවත් කිව යුතුමය. මා අතින් ලියැවුනු ලිපි අතරින් වඩාත් තෘප්තිමත් වන කව්‍ය නිර්මාණය " මේ ඇයමද? " වන අතර ගද්‍ය නිර්මාණය "කම්මැලියෙක් කතා කරයි  "  ලෙසද, "ජජාජී" වෙනස්ම නිර්මාණයක් බවද කීම නිවැරදිය. සියලුම නිර්මාණ මට ඔනැ විදිහට කරන අතර ඒ අතරින් කරනු ලැබූ දුර්වලම ලිපිය නම් "මේක මේ විදිහට කිව්වෝත්" වෙයි. වඩාත් අන්දෝලනාත්මක හා විවාදාත්මක මෙන්ම අලුත් සංකල්පයක උපත සිදුවන්නේ "උබට කියන්නේ ඔව් ඔව් උබට තමයි .... ඇවිත් බලපං
 " ලිපිය සමගිනි.


මගේ බ්ලොග් කෙරුවාවේ ආපසු හැරී බැලීම මෙතනින් සමාප්තයි. අසා සිටි ඔබ සැමට ස්තුතියි. දැන් ඉදිරිය බලන්න :D

වැප්

Saturday, December 11, 2010

මව්රට,සිංහලයා, බුදුදහම හා සෝම හිමි.

මීට වසර හතකට පෙර (2003 දෙසැම්බර් 12), ලාංකීක සිත් තුල සදාකාලික මතකයක් තබමින් අප අතරින් සමුගත් ගංගොඩවිල සෝම හාමුදුරුවන් හට නිර්වාණ සුවය පතමින් මෙම ලිපියේ ආරම්භය මෙසේ සටහන් කරමි. උන්වහන්සේගෙන් අප සමාජයට වූ සේවවා අතිමහත්ය, නමුත් ඒ පිළිබඳ කතා කරනවාට වඩා මා සෝම හිමියන්ගේ අදහස් මත කෙසේ නම් වෙනස් වූවේද යන්න මෙසේ සටහන් කරන්නෙමි.

සාමන්‍යයෙන් සෑම අයෙක්ම, තම ජීවිතය තුල විරුවන් ලෙස ඉතා සීමිත පිරිසක් විශ්වාස කරනවා මෙන්ම ඔවුන් පසු පස ගමන් කරයි. ඒ අනුව බුදු දහම , සිංහල ජාතිය හා මගේ මව් රට පිළිබඳ නව දැක්මක් එක් කල ගංගොඩවිල සෝම හිමිපාණෝ රට දැය සමය යන කාරනා පදනම් කරගෙන මාගේ ගුරුවන්නේය. මටත් ජාතියක් ඇත මටත් දර්ශනයක් ඇත මටත් රටක් ඇත යන අභිමානය, අවබෝදයෙන් කෙසේ නම් භාවිත කරන්නේද යන්න මොනවට පැහැදිලි කරදිම මා ලැබූ භාග්‍යක් කොට මම සළකමි.  බුදු දහම තුල ඇති මිත්‍ය මත හා බො‍රු ආටෝපයන් ඉවත් කරමින් ගෙන හැර දැක්වූ ධර්ම දේශනා අදටත් මතකයේ එලෙසම රැඳි ඇත. ස්වාධින රූපවාහිණියේ විකාශය වූ අදුරෙන් එළියට වැඩසටහත් ඉන්පසුව ‍ටිඑන්එල් හි විකාශය වූ ධර්ම ප්‍රදීප වැඩසටහනත් නොවරදාවම බැලුවෙමි.‍ උපතින්ම බෞද්ධයෙකු වූ මා සෝම හිමියන්නේ දේශනා කරන කොට, බුදු දහම යනු කුමක් දැයි මට තේරෙන ප්‍රමාණයට ග්‍රහණය කරගතිමි. සියලු අන්‍ය ආගම් හා දර්ශණයන්ට ගරු කරමින් බුදුදහමට හිමිවිය යුතු තැන සලසා දිමට  හා එයට අනවශ්‍ය ලෙස බලපෑම් කිරිමට තැත් කරන මූලධර්මවාදීන්ට එරෙහිව නැගීසිටිම කෙසේ කලයුතුද යන්න මනා කොට උන්වහන්සේ වදාළ සේක. දේව සංකල්පය විස්තර සහිතව ඉදිරිපත් කිරිම හා බුදු දහමට ඇති සම්බන්දය අර්ථ කතනය සමාජය තුල නව පෙරළියක් කළහ. 

සිංහලයා යනු කවරෙක්ද? සිංහ‍ලයෙක්ව ඉපදිම පුරුවේ කර්මයක්ද? අනාගතයේදී සිංහලයාට සිදුවන්නේ කුමක් දැයි යන අදහස් ඉතාමත් නිර්භිත ලෙස සමාජ ගත කල උන්වහන්සේගේ හදිසි අභාවය තවමත් අභිරහසකි. උන්වහන්සේගේ ජාතිකත්වය පිළිබඳ අදහස ජනතාව අතරට යාම ත්‍රස්තවාදය මැඩලීම සඳහා පිටුබලයක් වූ බව කිව යුතුමය. නුදුරු අනාගතයේදි සිංහල ජාතිය වැනසෙන ආකාරය හා නැතිවී යාම ගැන මනා අවබෝධයකින් යුතුව ඉදිරිපත් කල අදහස් අප හිත් තුල ජාතිය පිළිබඳ ආදරයක් හා අභිමනයක් මෙන්ම දැඩි කණගාටුවක්ද ඇති කලහ. දැන් දැන්  එය සිදුවන බවට ඇස්පනා පිටම සාක්ෂි ඇත. ලෝකය පුරා සිටින සියලු සිංහලුන්ට ඇති එකම මව් රට ශ්‍රී ලංකාව පමණි. එබැවින් එය රැක ගැනීම හා සුරක්ෂිත කොට අනාගතපරපුරට දායද කිරිම වර්තමාන සිංහලයාගේ  යුතු කමක් හා වගකීමක් වන බව දැඩි ලෙස අවධාරණය කිරිම උන්වහන්සේ නිතර තම දේශණ වල මාතෘකාව කොට ගන්නා ලදී.

බහු වාර්ගික, බහු ආගමික බවට තර්ක කරමින් සිටි අමුතු පිරිසකට දැඩි බලපෑමක් එල්ල කිරිමට හැකිවූ අති පූජ්‍ය ගංගොඩවිල සෝම හිමි අවසානයේදි, උන්ගේම ක්‍රමන්ත්‍රණයකට අසුවී අපවත් වීම සිංහලයෙකු බෞද්ධයෙකු ලෙස දැඩි කම්පනයක් ඇති කල සිදුවීමකි. ඔබ වහන්සේගේ මග ගත් තරුණ කැලක්, අද මගේ මව් රට පෝෂණය කරමින් සිටින බව මහත් වූ ආඩම්බරයෙන් මෙසේ සටහන් කරමි. 

මම සිංහල බෞද්ධයෙක් වෙමි ...........

පෙර ලිපි

වැප්

Friday, December 3, 2010

කාටුන් සින්දු

1. අද අපේ ඔෆිසියේ, දිවා ආහාර වේලෙදි මාතෘකාව උනේ කාටුන් සින්දු.
2. සජිට ආරංචිය දුන්නු නිසා කාටුන් සින්දු ටික ඇහැව්වා
3. ඔයාලටත් ඔනේ නම් මෙතනින් ගන්න

බාගත - Zip



  1. මුහුද මගේ ගොඩ බිමයි
  2. වලිගේ වනනා ඔලුව කහලා
  3. පිස්සු පුසා
  4. කැපිලි කෙටිලි
  5. අනවින කොඩිවින
  6. මාමා වලස් මාමා 
  7. ඉඟුරු පාන් මල්ලි ඇතුලු ගීත 21 ක්




වැප්

Sunday, November 28, 2010

ශත පනහට හෝල්ට් 4ක් පයින්

මේ කියන කාලේ, එකදාස් නමසිය බර ගන්න වල, අපේ ගෙදර සීත පෙට්ටියක් තිබුණේ නැහැ. [ දැන් නම් ඉතින් විදුලි බිලට ඒකක 50 ක් එකතු කරන එක විතරයි ඒකෙන් ගන්න එකම වැඩේ ] අහල පහලටම තිබුණේ එකම එක ගෙදරකයි. ඒ ගෙදර තියනවා විකුනන්න ඉරට්ට ගහපු අයිස් කැට. අයිස් කට කිව්වේ ඇත්තටම ඒවවා අයිස් කැට තමයි. බොරුවට දිවුල් හරි අන්නාසි හරි කියලා තමයි කියන්නේ. ඔයින් එකක් සත පනහයි. අඬලා අඬලා කොහොම හරි සත පනහක් ඉල්ලගෙන ගෙදරින් මේ අයිස් කැටයක් ගෙනත් කනවා. පුදුමේ කියන්නේ සුටුස් ගාලා මේක ඉවර වෙනවා. හැබැයි ඉරට්ට ඉතුරු වෙනවා. කාපු අය දන්නවා ඇති ඉරට්ට කොච්චර රහද කියලා. අම්බෝ එහෙමත් රහක්. පොල් ඉරට්ටක් කියලා කියන්නවත් බැහැ. පැණිම පැනි රහයි.

ඔය කියන කාලේම තමයි මං පන්තියකට ගියා ටිකක් විතර ඈත. නමින් කිව්වොත් සභාව පාරේ. බස් එකේ යන්න ඔනේ. මට මතක හැටියට සති අන්ත දවසක තමයි තිබුණේ. අහල පහල එවුනුත් එක්ක කොහොම හරි අපි පහක් විතර මේ පන්තියට යනවා. ගෙදරින් දෙන්නේ රුපියලයි. ඇයි බන් ඉස්සර භාග ටිකට් අවම ගාස්තුව සත පහනයි නොවැ. යන්න සත පනහයි එන්න සත පනහයි. එහෙමත් කාලයක්. දැන් ඉතින් සතපනහට පොල් ටොපියක් වත් නැහැ නොවැ. අම්මා රුපියල මගේ අතේ තියන්නේ පුතේ උභ අදත් අයිස් පැකට් එකක් කාපන් කියලා වගේ මට ඒ කාලේ හිතුනා. ඔය කියන ඉස්සර කාලෙත් අයිස් පැකට් එකක් රුපියලයි. දැන් නම් හුඟ කාලෙකින් කෑවේ නැහැ. පන්ති යන අනික් උනුත් අයිස් පැකට් පප්පෝ. කට්ටිය කතා වෙනවා දැන් බස් එකේ ගියොත් හවහට අයිස් පැකට් කන්න වෙන්නේ නැහැ. ඉතින් මොකෝ සෙට් එකම පයින් අදිනවා පන්තියට. යනකොට හොඳටම පරක්කු වෙලා පන්තිය පටන් අරං. අවුලක් නැහැ සෙට් එකම ඉන්න හින්දා සර් සුපුරුදු ප්‍රශ්ණය උනූ කොච්චි පරක්කුද අහන එක ඇහුනු නෑහුනු ගානට ගිහින් [අන්තිම පැත්තෙන්] මුල්ම පේලියේ ඉඳගන්නවා. අයිස් පැකට් මෙහෙයුමේ මුල් අදියර  ඉවරයි. දැන් ඉතින් ඇඟලි ගැන ගැන ඔරලෝසුව දිහා බලං ඉන්නවා පැය එකාහමාරක් ඉවර වෙනකල්. මේ වෙලාවට තමයි හිතෙන්නේ ඔරලෝසු කට්ට කරකවන්න.

කොහොමින් කොහොමින් හරි පන්තිය ඉවර වෙලා දෙවෙනි මෙහෙයුම උනු නැවත බස් [ ගුගුල් බස් නෙමෙයි ඕන්] නැතුව පයින් එමේ ඔපරේෂන් එක පටාන් ගන්නවා. වැඩිය නැහැ හෝල්ට් හතරක් විතර වගේ තියෙන්නේ. කට්ටිය එක්ක, එදා උගන්නපු පාඩම් ගැන අවබෝදයෙන් කතා කර කර දැනුම් සාගරයක ගිලි ගිලී එන හින්දා කකුල් දෙකට අමාරුවක් නැහැ. මොකද පුරුදු නැති වැඩක් යෑ පයින් යන එක. දැනුත් කිලෝමිටරයකට වඩා  පයින් යන මට :D

අපේ ගෙවල් පාරට හැරෙන තැනට කලියෙන් ඔපරේෂන් එක ඉවරයි. මොකද හන්දියෙන් තමයි අයිස් පැකට් එක ගන්නේ. හරියට  ගේවල් ගාවට එනකොට අයිස් පැකට් එක ඉවරයි. ගෙදර මිනිස්සු දැන ගන්න ඔනයෑ අපි එක්සසයිස් එකට පයින් යනවා කියලා. ඔය වැඩේ මට මතක විදිහට අවුරුද්දක් විතර උනා. කොහොමින් හරි ඒ පන්තියේ සර් හරියට උගන්වන්නේ නැහැ කියලා අපේ සෙට් එකට තේරුනු දාට පහුවෙනිදා ඉඳන් අපි ඒ පන්තිය වර්ජනය කලා. පස්සේ කාලෙක නම් ගෙවල් වලින් දැන ගත්තා මුන් ටික පයින් තමයි යන්නේ එන්නේ කියලා. මොකද වාර විභාග වලින් අන්ජනම් එලි බලනවා වගේ එව්වා පේන්න පටන් ගන්නවා නොවැ.


මෙච්චර පල් හැලි ලියන්න ඕනේ නැහැ. රුපියලේ අයිස් පැකට් කන්න තියන ලෝබ කම හින්දා හෝල්ට් 4 ක් පයින් ගියා කිව්වා නම් මේ ලිපිය වක්‍ය දෙකෙන් ඉවරයි. නැද්ද මං අහන්නේ ?

වැප්

Saturday, November 27, 2010

කෑවේ නැති හෙලුවෙන් හිටපු ජාතියක්

ලඟ ලඟ එනවා සීතල උඳුවප් මහ. ඒ එක්කම වර්ෂයක අවසානය, නැවුම් අදහස් එකක් අලුත් වර්ෂයක උදාව. දෙසැම්බරය, නත්තල් සමය රටම උත්සව සිරියක් ගන්වන කාලයක්. මේ කාලෙට ලංකාවේ ඔක්කොටම නත්තල් තියනවා.  සෑම නගරයකම පෙට්ටි කඩ, පේමන්ට් කඩ බිහි වෙනවා. නගර තද බදය වැඩි වෙනවා. මිනිසුන් මොන මොනවාදෝ හොය හොයා හන්දි ගානේ දුවනවා. යනවා මලු පුරවා ගන්නවා එනවා. හරියට අර වැහි කාලෙට කලින් කූඹී කෑම රැස් කරනවා වගේ.

ඇඳුම්, හරියට මේච්චර කල් ඇන්දේ නැහැ වගේ ඇඳුම් කඩ වල සෙනග, හවුස් ඔෆ් ෆෑෂන් එක ලඟ පෝලිසිය දානවා සෙනග හසුරුවන්න. ෆැෂන් බග්, නෝලිමිට් වලට සෙනග ගන්නේ කඩින් කඩ. මිනිස්සු පෝලිමේ බලං ඉන්නවා ඇතුලට යන්න, සමහර වෙළඳ සල් සඳහා උදෑසන සිට ගොස් පෝලිම් අල්ලගෙන. කොළඔට තදා සන්න නගර වෙච්ච නුගේගෙඩ, බොරැල්ල, වත්තල හා කිරිබත්ගොඩ ඇඳුම් වලින් පීරි ඉතීරි යනවා. හුස්ම ගන්න බැරිවෙන තරමට වත්තල, කිරිබත්ගොඩ කැන්ඩි එකේ සෙනග හින්දා දැන් කඩවතත් අලුත් එකක් විවෘත කරලා.
කිරිබත්ගොඩ තිලකවර්ධනය, අනුෂා මෙහෙමා, ගැමා හා නිමාලි බලං ඉන්නවා ඇඳුම් නැති අය එනකල්. සීඅයිබි සොපින් කියන්නේ තවත් ඇදුම් කඩයක්. තව ඇති ඕන තරම් මේ මං දන්න ප්‍රසිද්ධ ඒවවා. ආ අමතක උනා මාතර කොටුවේ කඩේ මේ වගේම වෙන්ට ඇති.

කෑම, කිව්ව ගමන් මතක් වෙන්නේ වාසනා කේක්, පුන්නක්කු කේක් කියලත් කියනවා. මං හිතන්නේ මේ කේක් ගැන නොදන්න කෙනෙක් නැතුව ඇති. කඩේ පොඩියි බිස්නස් ගොඩයි. සෙනග ඉන්නේ පාර දිගට කේක් ගන්න. ගාන අඩුයි. මට නම් රහ පොල් කේක් එක විතරයි. අවුරුද්දක් පුරවාට සල්ලි පස්සේ දුවලා දුවලා අප්‍රයෙල් වලටයි දෙසැම්බරයටයි ඒ සල්ලි වියදම් කරන ක්‍රමය තමයි ශොපින් කරන එක. මේ කාලයට සුපිරි වෙළද සැල් වලටත් කල්ල මරේ.

ගොඩාක් වෙලාවට මං දැකලා තියනවා නෝනලා තෝරනවා ඇඳුම්, මහත්වරු පැත්තක් ගහගෙන වාඩියක් දාගෙන ඉන්නවා. පොඩි එවුන් හෙම්බත් වෙලා මලානික වෙලා. අද ඇඳුම් ටික ගත්තා කියමු. බිල් ගෙවන්න දඩ පෝලිමක ඉන්නවා, ටිකක් එහායින් ඊටත් වඩා දඩ පෝලිමක් ඇති. පොඩ්ඩක් විපරම් කලෝත් ඒ තියෙන්නේ මාරු කරන පෝලිම. මහලෝකුවට පොර කාලා අරං ගියාට අයෙත් එනවා පහුවදාට ගැලපෙන්නේ නැති හින්දා. මොකක් හරි ලාබයක් තිබුණා නම් ඉතින් ලාබේ සුන් තමයි ආයිත් මාරු කරන්න ආවොත්.

හැබැයි මාත් ඕවාට පොඩ්ඩක් රිංගලා උඩු මහලට ගිහින් පොඩ්ඩක් බලං ඉන්නවා මේ වෙන විපර්යාසය මොකක්ද කියලා :D

වැප්

Wednesday, November 17, 2010

ලිපියකට වැඩි පාඨක සංඛ්‍යවක් ගෙන්වා ගැනීම

මේකයි අද කතාව ... අපි ලියන අලුත් ලිපියක් කොහොමද වැඩි පාඨක සංඛ්‍යවක් කරා රැගෙන යන්නේ. මෙතනදි වැඩි කමෙන්ට් ගානක් හෙවත් සටහන් ගානක් ලබා ගැනිමේ ක්‍රමය නම් දන්නේ නැහැ. හැබැයි වැඩි පාඨක සංඛ්‍යවක් අරගන්න පොඩි පොඩ් ඔත්තු ටිකක් දෙන්න පුලුවන්. මේවා අත්දුටුවයි ප්‍රත්‍යක්ෂයි.

1 ක්‍රමය - බ්ලොග් කියවනයක් නැත්නම් සින්ඩියක් උපරිම ලෙස භාවිතය
මේක තමයි සිංහල කියවන අය අතරට යන්න තියන ලේසිම විදිහ. දැන් ඉස්සර වගේ නෙමෙයි සින්ඩි ‍දහයක් දොලහක් තියනවා. ඒ හැම එකක්ම අපි ලියන අලුත් ලිපි ලැයිස්තු ගතවෙනවා.මේවා හැම එකක්ම පැයකට සැරයක් අලුත් ලිපි හොයාගෙන අපේ බ්ලොග් වෙත එනවා. මෙන්න මෙතන තමයි අපි කල්පනා කාරී වෙන්න ඔනා. ඒ කියන්නේ මෙයාලා අපේ ලිපි හොයාගෙන එන වෙලාව. ඒක දැනගත්තහම අපිට පුලුවන් තීරණය කරන්න ලියපු ලිපිය කීයටද පබ්ලිෂ් කරන්න ඔනේ කියලා. මෙතනදී මතක තියාගන්න හැම තිස්සෙම පබ්ලිෂ් කරන වේලවා ඒ අදාල වෙලාවට මාරු කරන්න.

උදහරණයක් විදිහට මෙහෙයුම කරන්නේ 10.00 නම් සියලු අඩවි වලට ගොස් අලුත් ලිපි සොයා බැලීම 10.15 වෙන කොට ඉවරයි. බැරිවෙලාවත් ඔබ 10.20 ට අලුත් ලිපියක් දැම්මොත් අර 10.00 කරපු මෙහෙයුමට ඔබ අහුවෙන්නේ නැහැ. ඊලඟ ඔබව අහුවෙන්නේ 11.00 කරන එකට. හැබැයි ඒ වෙනකොට 10.20 න් පස්සේ ලියපු වෙනත් අලුත් ලිපි ගොඩාක් තියනවා. එවිට ඔබගේ ලිපිය ටිකක් විතර පහළට යනවා.

2. ක්‍රමය - ලිපි ලියන දවස හා වේලාව
සමන්‍යයෙන් සෙනසුරාද ඉරිද අලුත් ලිපි තියෙන්නේ 100 කට අඩු ගානක්. මෙදාට ලිපියක් ලියන එකේ වාසියක් තියනවා. ඒ කියන්නේ ප්‍රධාන ප්‍රචාරක මාධ්‍ය වෙච්ච සින්ඩියක් තුල ලිපිය පහළට යන වේගය අඩුයි. ඒ හින්දා මේ දවස ලිපියක් ලියන එකේ විශාල වාසියක් තියනවා. හැබැයි මෙතනදී අපිට හමුවෙන්නේ වෙනස් පාඨකයන් පිරිසක්. ඒ කියන්නේ නිවාඩු දවස් වල විතරක් වැඩිපුර අන්තර්ජාලය යොදාගන්න පිරිස. වෙලාව ගැන නම් එතරම් පැහැදිලි විශ්ලේෂනයක් කරන්න බැහැ. ඒත් උදෑසන හා හවස් වරුව යෝග්‍යයයි සිතනවා.

3. ටුවිටර් / බස් / බුකි භාවිතය
සින්ඩියක ලැයිස්තු ගත වෙච්ච ගමන් කවදාවත් ඉහත සඳහන් කල තැන් වල ප්‍රචාරය කරන්න යන්න එපා. ඒක අවාසියි. මොකද ලිපිය උඩින්ම මේ තැන්වලත් තියනවා. එතකොට එකම පාඨක පිරිසක් මේ තැන් දෙකෙදිම මේක දකිනවා. ඒක අවාසියක්. යම් හෙයකින් සින්ඩියක පල්ලෙහාට හෝ සින්ඩියේ මුල්පිටුවෙන් ඉවත්ව ගිය විටෙක ඉහත ප්‍රචාරණ මාධ්‍ය යොදගන්න. මේ ඉහත සඳහන් කල ස්තාන තුනේ ඉන්නේ එකම යාලුවෝ අඩු වැඩි වශයෙන් සමානයි. මේවා තුල ඉදිරිපත් කරද්දිත් වෙනස් වෙලාවල් වල දානවා නම්, නොදැකපු ඇයට මේ පණිවුඩය ක්ෂනයෙන් දිස් වෙනවා. නැත්නම් තැන් තුනේම අපේ පණිවුඩය පහළට යනවා.

4.මාතෘකාව
ලිපියකට යොදන මාතෘකාවේ තියන ආකර්ෂනය ඉතාමත් වැදගත්. ඔබම දැකලා ඇති සමහර මතෘකා තියනවා ලිපිය රසවත් කියලා හිතෙන නමුත් ඇත්තටම අන්තර්ගතය තියෙන්නේ වෙන දෙයක් ගැන. ඒ වගේම සමහර මාතෘකා දැක්කාම යන්න කම්මැලියි. හැබැයි ගිහින් බලපුහාම තමයි, ආපූ එකා කොච්චර හොඳද කියලා හිතෙන්නේ.

5.අන්තර්ගතය
ඔය මොන ක්‍රමවේදය යොදාගත්තත් වැඩක් නැහැ අන්තර්ගතය දුර්වල නම්. ඒම නිසා පුලුවන් තරම් වෙනස් වූ දෙයක් ඉදිරිපත් කරන්න උත්සාහ කීරිම තමයි හොඳම දේ. අන්තර්ගතය හොඳනම් ඔබ නොදන්නා අය පවා එම ලිපිය වෙනත් මධ්‍ය ඔස්සේ ප්‍රචාරය කරනවා.

ඉහතින් තියෙන්නේ අනුන්ට කරදයක් නැතිව තමුන්ටම කරගන්න  පුලුවන් පුංචි පුංචි ක්‍රම කිහිපයක්. සමහර විට කාලයත් එක්ක මේවා ප්‍රායෝගික නොවෙනන් පුලුවන් .... නමුත් වර්තමානයට සුදුසුයි කියලා හිතනවා. ඊට අමතරව කරන්න ඔනේ ගොඩක් දේවල් පොඩ්ඩක් ගුගුල් කරොත් හොයාගන්න බැරි වේනනේ නැහැ. මීට අමතරව මට විශය නොවුනු කාරනා තියෙන්න පුලුවන්.

Monday, November 15, 2010

කූඩාරමක් ඇතුලේ ඉන්න යන්න බෙලිහුල් ඔය

මෙවර චාරිකා සටහන

ස්ථානය :- රිවර් ගාඩ්න් රිසෝට්- බෙලිහුල් ඔය
කොළඹ සිට දුර යාමට හා ඒමට :- කි.මි . 320 ආසන්නව
නැරඹිය හැකි දේ :- බෙලිහුල් ඔය අසල සුන්දර පරිසරය .....  
    ගනන් හිලව් හා වෙන්කර ගනීම :- http://hotellanka.lk/70-75-506/river_garden_resort_and_camp_site__belihuloya.html



    කොළඹ සිට පැය හතරක් වැනි කාලයකින් ලඟා විය හැකි බෙලිහුල් ඔය පිහිටා ඇති රිවර් ගාඩ්න් රිසෝට් මෙවර අපගේ නවාතැන් පොළ විය. ගත කරන ජාල ජිවිතයෙන් මොහොතකට මිදි, සීතල පරිසරයක අලුත් අත්දැකීමක් ගැනිමේ අරමුණින් මෙවර චාරිකාව සංවිදානය වි තිබුණි. කැම්පිං එහෙමත් නැත්නම් කූඩාරමක් තුල ගඟක් අසල ගිනිමැලයක් ගසාගෙන රත්‍රිය ගත කිරිම මෙවර ලද විශේෂ අත්දැකිමයි.

    මෙන්න පින්තූර ටිකක්




    Sunday, November 7, 2010

    ටැබූ ලොක්කට සම්මානයක් මගෙන්

    ටැබූ කිව්වාම ඉතින් මට නම් දිරවන්නේ නැති කෙනෙක් තමයි. මොනවා උනත් ටැබූ නිසා සිංහල බ්ලොග් අවකාශය අතපත ගාන්න හුරු උනු පිරිසකුත් ඉන්නවා කියලා හැමෝම මතක තියාගන්න. දන්නවද දන්නේ නැහැ, ටැබූ සබ්ජෙක්ට් - බෞද්ධායට අපහාස - NGO කලාව කියලා ලිපියකුත් ලිව්වා මං. ටැබූ දැන් ටිකක් විතර යන පාර වෙනස් කරලද කියලත් හිතෙනවා [හීනෙන් තමයි]. කොහොම හරි කමක් නැහැ දැන් ලිපියේ අරමුණ උනේ ටැබූ ලොක්කා අන්තිමට දාපු 2010 හි හොඳම සිංහල බ්ලොග් අඩවි ලිපිය ගැන පොඩ්ඩක් විතර කතා කරන්න. ඒ පැත්තේ ගිහින් කමෙන්ටුවක් දානවට වඩා මේ පැත්තේ මගේ තැන ඉඳන් මට ඕන වාරණ , කැපිලි කෙටිලි කොටු දැමිම් කර ගන්න එක වඩා හොඳයි කියලා හිතුනා.අනික දැක්කේ නැති කවුරු හරි ඉන්නවා නම් දැකගන්න පාර කැපුවා වෙනවානේ. හැබැයි ඒ ලිපිය නොදැක්ක කෙනෙක් ඉන්නවා නම් ඉතින් ඔහු හෝ ඇය සිංහල බ්ලොග් ගැන මෙලෝ හසරක් දන්නේ නැති කෙනෙක් වෙන්න ඔනේ. එහෙම කියන්නත් බැහැ අතපසුවීමක් වෙන්නත් පුලුවන් නොවැ.

    මුලින්ම කතා කරමු යොදාගත් වර්ගීකරණය, හෝව් හොව් ඊට කලින් දෙයක් කියන්න තියනවා, ඒ තමා ටැබුගේ මේ ලිපිය, අලස වෙලා කම්මැලි වෙලා අකර්මඤ්ඤ වෙලා උන්නු බ්ලොග් කරුවන්ට ලොකු උත්පේරකයක් උනා.  ජය ගත්තු හෝ නිර්දේශ වෙලා තියන අය පමණක් නෙමෙයි අපි වගේ පොඩි පොඩ් අයටත් යම් කිසි ඉලක්කයක් පෙන්නුවා. කවුරු කොච්චර කිව්වත්, "අනේ මට නම් එපා/ මට ඔව්වා වැඩක් නැහැ ඔවා කන්නද මන් ලියන්නේ මගේ සතුටට කියලා",  තමුන්ගේ ලිපියකට හරි බ්ලොග් එකකට හරි වෙන කවුරු හරි කරන ලද විවේචනයක් හෝ කමෙන්ටුවක් එක් කරන්නේ ලොකු වටිනාකමක්. මේ කල වැඩේ වෙනුවෙන් ටැබූ ලොක්කට, පොඩි පහේ ලොකු සම්මානයක් දෙන්න තමයි මං හදන්නේ. මතක තියා ගන්න මේ ලිපිය වෙනුවෙන් විතරයි කියලා.


    1. පාඨක ඤාණ පරාසය පුළුල් කිරීම වෙනුවෙන්:
    2. විශිෂ්ඨ නිර්මාණකරණය හා නිර්මාණශීලී ඉදිරිපත්කිරීම වෙනුවෙන්:
    3. හොඳම සාමාජීය / දේශපාලන බ්ලොග්කරණය වෙනුවෙන්:
    4. අව්‍යාජ ආත්ම කථනය වෙනුවෙන්:
    5. පර්යේෂණාත්මක බ්ලොග්කරණය වෙනුවෙන්:
    6. සරල ජනප්‍රිය බ්ලොග්කරණය වෙනුවෙන්:
    7. හොඳම කාන්තා බ්ලොග්කරණය:
    8. හොඳම යොවුන් බ්ලොග්කරණය:
    9. හොඳම දියස්පෝරික බ්ලොග්කරණය:
    10. අවසාන විනිශ්චය

    ලෙස තමයි වර්ගීකරන වෙලා තිබුණේ ටැබුගේ සම්මාන ටික. ඒ ඒ වර්ගයට අදාලව ජයගන්නා ලද බොහොමයක් අඩවි සමග මගේ පුද්ගලිකව කිසිඳු විරෝදයක් නැහැ. මොකද ඒ හැම එකක්ම ඒ ආකරයෙන් සම්මනයට පාත්‍ර විය යුතු අඩවි. උදාහරණයක් විදිහට මාරයගේ හෝරවා, සොඳුරු සිත හෝ සයිබර්යය කියන සිංහල බ්ලොග් කවුරුත් දන්න කවුරුත් කියවන වෙනස්ම පැති වලට දිවෙන අනිවර්යයෙන්ම සම්මානයට පාත්‍ර විය යුතු බ්ලොග් අඩවි. ඉහත වර්ගීකරණයට අඩුවක්ව පවතින එකතු විය යුතු යැයි සිතන පහත වර්ගීකරනයන්  ඊලඟ පාර සලකා බලන්න කියලත් ටැබූ සර්ට මං යෝජනා කරනවා.

    11. හොඳම තාක්ෂණික බ්ලොග්කරණය
    12. හොඳම ළමා බ්ලොග්කරණය හෝ පාසල් බ්ලොග් කරණය

    ඊට අමතරව

    13. වසරේ හොඳම ගද්‍ය රචනය
    14. වසරේ හොඳම පද්‍ය රචනය
    15. වසරේ හොඳම ජායාරූපය / කාටූන්  .........
    16. වසරේ ජනප්‍රියතම ලිපිය

    17. වසරේ පාඨක සම්මානය -  [ බ්ලොග් අවකාශයේ සැරිසරමින් රචකයන් උනන්දු කල පාඨකයා]

    වර්ගයන් ගනණ දිග වැඩි උනත් මේවත් සම්මාන දිය යුතු වර්ග කියලා මං හිතනවා.

    ඊලඟ කාරනය තමයි සමහර බ්ලොග් අඩවි මගහැරීයා. ‍ මේකට ඉතින් කරන්න දේකුත් නැහැ. ටැබූ තනියෙන් මේ වැඩය කීරිමත්, යොදාගෙන ඇත්තේ ලාංකීය සිතුවිලි පමණක් නිසාත් සමහර විට සිංහල බ්ලොග් කියවනයේ හෝ කොත්තු  වල විතරක් තියන බ්ලොග් අඩවි මග හැරී යන්න පුලුවන්. ඒ නිසා එම සින්ඩිකේටර් දෙකත් භාවිත කරගන්න කියන යෝජනාවත් කරන්න මං කැමතියි. මොකද නැත්නම් අසාදරණයට ලක්වෙන්නේ බ්ලොග් රචකයන්.

    නොදුටු පැත්ත
    ඔන්න ඔය විදිහට තමයි මං මේ ටැබූ සම්මාන උළෙල දැක්කේ. කොහොම හරි ටැබූ මේ කරපු වැඩේ අනියමින් හරි සිංහල බ්ලොග්කරණ තරගාවලිය ට බලපෑමක් ඇති කරනවා. සමහර විට ටැබූ මෙයින් බාලපොරොත්තු වූයේත් එයම වන්නට ඇති. දැන් බ්ලොග් අවකාශය තුල සැරිසරන හැමෝගෙම හිතේ, ජයගත යතු යැයි සම්මත උනු සිංහල බ්ලොග් අඩවි ටිකක් කැරකෙනවා. හරියට කිව්වොත් දැන් රාමුවක් හැදිලා ඉවරයි හොඳම බ්ලොග් අඩවි‍ ‍ටික එකතු කරලා.

    නිසි ඇගයීමක් මෙතෙක් නොවූ, සම්මානයට පාත්‍ර වූ සියලු බ්ලොග් හිතමිතුරන්ට සුබපැතුම් පිරිනමන ගමන්, ඊලඟ වසරේදිත් ටැබූ සම්මාන උළෙල මීටත් වඩා සාර්තකව සිදු කිරිමට ටැබූට හැකිවේවායි පතමින් මේ ලිපිය අවසන් කරමි.

    වැප්

    Sunday, October 31, 2010

    අල්ලපු ගෙදර කපටියා

    මේක මේ එකදාස් නමසිය බර ගනන් වල වෙච්ච සුට්ටි කතාවක්. පොඩි කාලේ ඉතින් අල්ලපු ගෙදර අපේ ගෙදර කියලා වෙනස් නැහැ හැම තැනම රිංගනවා. වැඩිහිටියන්ගෙත් කිසිම විරෝධයක් ඇතිවෙන්නේ නැහැ. මොකද කියන දේ අහන එකක් යැ. එපා කිව්වොත් ඒ දේ කරන වාර ගාන වැඩි වෙනවා. ජංගි කොටේ ගහගෙන එහෙ මෙහේ දුවන කාලේ අපේ අම්මා මටත් ගෙනැල්ලා දුන්නා විසිල් එකක්. කට්ටියට මතකද දනනේ නැහැ අර සද්දේ ඇහෙනකොට මලක් කැරකෙන විසිල් එක.

    අල්ලපු ගෙදර මාගේ යාලුවාගේ තාත්තා ඉන්නේ රට. බුවාට ඉතින් නානප්‍රකාර සෙල්ලම් බඩු. අපි‍ට කොයින්ද පූසෝ මාලු කියලා මං ඉතින් විසිල් එක ගහ ගහ ගේ වටේ කැරකැවෙනවා.පොඩි කලේ නෙමෙයි ඉතින් දැනුත් අලුත් මොනවා හරි හම්බුනාම ඕක ප්‍රදර්ශනය කොරන්ටනේ ඔක්කොමල්ලා හදන්නේ. ඉතින් මාත් සද්දෙට විසිල් එක ගහනවා අරූට ඇහෙන්න. මේක ඇහිලා අරූ මොකද කලේ මේකට කෑඳර කම ඇති වෙලාද මන්දා, මූ එක පාරට  රතු පාට ලොකු කාර් එක්ක නූලාක දාලා උගේ ගේ වටේ අරන් කැරකෙවෙනවා. මං මෙහේ කැරකෙනවා, ඌ එහේ කැරකෙනවා. මං විසිල් ගහනවා අරූ කටින් හෝන් ගහනවා. හික් හික් එහෙමත් ජවුසමක්. ඔන්න දැන් වැඩේ ජයටම යනවා. මං අපේ ගේ වටේ කැරකෙනාවා. ඌ එහේ කැරකෙනවා. ඔහොම ඔහොම කැරකි කැරකි ඉන්න කොට එක වෙලාවක් එනවා නේ දෙන්නම සමාන්තරව කැරකෙන, අන්න එතන තමයි තැන. මං ගහනවා විසිල් පාරක් මුකුත් නැහැ මුලු පලාතම කැරකිලා යන්න, හප්පේ සතුටේ බැහැ මලත් කැරකෙනවා නිකන් රූම් පෙත්ත වගේ. අරූ අල්ලපුගෙදර එකා ගහනවා හෝන් පාරක් හරියට ඌට ඉස්සරහින් ලොකු ටැෆික් එක්ක තියනවා වගේ.

    තරහා නැති උනත් අලුත් යමක් හම්බුනාම තියන ආඩම්බර කමින් තමයි මං ඉන්නේ. මට ඉතින් ඔය වෙලාවේ ආඩම්බර කම ඉහට ගහලා, මෙලෝ දෙයක් මොලේට එන්නේ නැහැ. අරූ පනාව දැම්මා මාත් ඉතින් රැවුල කරකවලා පොඩි උඩඟු හිනාවක් දැම්මා. ටිකකින් ඌයි මායි කතාවට වැටුනා. දැන් මෙන්න අරූ දැම්මා පොඩි බිස්නස් ටෝකක්, "මචං අපි ඔය විසිල් එකයි මේ කාර් එකයි මාරු කරගමුද කියලා" මාත් ඉතින් අයේ මොනවද දෙපාරක් හිතුවේ නැහැ හා කිව්වා. ඇයි බන් කවදා පැදපු කාර්ද? . ඔන්න දැන් ගිවිසුම හරි මං කාර් එක ගත්තා ඌ විසිල් එක ගත්තා. දෙන්න ගෙවල් දෙකට ගියා.

    දැන් ඕන් අරූ විසිල් එක ගහ ගහ ඌගේ ගේ වටේ කැරකෙනවා. හික් හික් උබලා හිතුවාද මාත් අරූගේ රතු පාට කාර් එක නුලෙන් ඇදන් අපේ ගේ වටේ යනවා කියලා. හපෝ නැහැ මං ඒක ගිහින් අල්මාරියේ දැම්මා පරිස්සමට, ඇයි බන් රතු පාට කාර් එකක් කිව්වාම සෙල්ලංද, අනික රට බඩු. අරූ ගිරිය කඩන් නලාව ගහනවා. හික් හික් මට කාර් එකක් ඌට රුපියල් 2.50 මළ කැරකෙන නලාවක්. හරි දැන් ටිකෙන් ටික අරූ ගේ නලාවේ සද්දේ අඩු වෙනවා. මෙන්න ටිකකින් නලා සද්දේ නැහැ. මුගේ සද්දේ ඇ‍හනෙවා මගේ නම  කියන. මාත් ගියා  දැන් හරියට කාර් එකෙන් බැහැපු එකා වගේ. ටිකක් ඔලුව කහ කහ එන ඌ මේන්න ආයෙත් යෝජනවාක් අරන් අවා. "මචන් මට කාර් එක දිපන් උබට මං උබේ විසිල් එක දෙන්නම් කියලා". හපොයි දැන් මොකෝ කරන්නේ  බැහැ කියන්න යෑ. මාත් හා කියලා අයේ කාර් එක දිලා අරූට පිඔලා පිඔලා ඇති වෙච්ච නලාව ගත්තා. වටිනාකම  වැඩි හින්දා අල්මාරියේ දාලා තිබුණු රතු පාට අරුගේ කාර් එක විහිලුවටවත් මං එක පාරක් ගේ වටේ අරන් කැරකුනේ නැහැ නොවැ. මොනවා කරන්නද ........... මං අහු උනා අරුගේ ගැටේට.හැබැයි ඉතින් ඒ වයසේදි අපිලට කපටි කම් තේරෙන්නේ නැහැ. සමහර විට අරූ උනත් අසාවට ගත්තා එපා හින්දා අයෙත් මට දුන්නා.

    මේ කතාවේ අදර්ශයක් එහෙම  තියෙ නම් ගනිල්ලා :D

    වැප්

    Friday, October 22, 2010

    මේක මේ විදිහට කිව්වෝත්

    මේක මේ විදිහට කිව්වෝත්
    කියන මාතෘකාව දැක්ක ගමන් කස්ටිය
    මේ පැත්තට අවාට ‍
    වැඩක් වෙන්නේ නැහැ ඕන්
    හැමදාම වගේ නිකන් අකුරු ටිකක්
    එහෙට මෙහෙට වචන කරලා
    මැද්දෙන් ඉඩක් තියලා
    පල්ලෙහාට පේළියක් පන්නලා
    ආයෙත් ජේද කඩලා
    [ආ වැරදුනා අද නැහැනේ ජේද කඩලා]
    මටත් නොතේරෙන
    කියවන අයටත් නොතේරෙන
    මොකක්දෝ අපභ්‍රංශයක්
    මේ විදිහට අකුරු කලාට
    ලියන්න දෙයක් නැහැ කියලා
    හිතුවා නම්
    ඔක්කොටම වැරදිලා කියලා
    හිතාගන්න එක තමයි ගොඩක් වටින්නේ
    මොකද?
    පෝය හින්දා සම්ප්‍රප්පලාප එපා
    හිස් වචන ඔනේම නැහැ
    ඔපා දූප තූ විතරක්
    කියන එක ප්‍රත්‍යක්ෂ කරන්නම
    මේක ලිව්වා

    වැප්



    Saturday, October 16, 2010

    නිදි මැරීම ...............

    මං ඉස්ස ඉස්සෙල්ලම නිදි මැරුවේ අපේ ගෙදර තිබුණු පිරිත් පින්කමකට .... ඒ කියන්නේ මීට වසර දහයකටත් හෝ පහලොවකට වඩා අතීත දවසක ......... එලි‍වෙනකල් හිටියා ..... පහුවදා දානේ බෙදන්නවත් ....... දානේ කන්නවත් මං නැහැ. හොඳටම පොඩි එකාට නින්ද ගිහින්. ඊලඟට දෙවෙනි පිරිත් පින්කම ........ එදත් ඔය සන්තෑසියමයි. ඔය අතර මළගෙවල් වල දෙක තුනක විතර පොඩි පොඩි නයිට් දෙක තුනක් ගැහැව්වා. කවදාවත් පාඩම් කරනන් නම් නිදි මැරුවේ නැහැ. ඒවා බොරු වැඩ කියලා සක් සුදක් සේ මං ඒ කාලේම දැනගෙන හිටියා.


    ඊට පස්සේ කාලයක් අවා උසස් අධ්‍යපනය කියන එක ලබාගන්න. ඔය කාලේ නම් ඉතින් කිසි ගැටලුවක් නැතුව හෝ ගලා නිදි මැරුවා. හැබැයි එලිවෙනකල් නම් නෙමයි. ඔය දෙක තුන විතර වෙනකල්. දන්නේ නැද්ද ඒ කාලේ ඉතින් :D. කීයක් හරි හොයගන්න කියලා පළමු රැකියාව විදිහට කරන්න හම්බුනේ ඇඟලුම් ක්ෂේත්‍රය. ලංකාවේ විතරක් නෙමෙයි ............. ලෝකයේ ඇඟලුම් අංශයේ නමක් දරා සිටින අති ප්‍රසිද්ධ සමාජ අගයක් ඇති ආයතනකයක් තමයි ඒක. හැබැයි ෂීෆ්ට් එකට තමයි වැඩ. උදේ 7 හවස 7 / හවස 7 උදේ 7 තමයි වෙලාවන් වැටිලා තිබුණේ. සාමන්‍ය අපි භාවත කර කැලැන්ඩරයේ නිවාඩු මුකුත් නැහැ. දිවා වැඩ මුර 3 යි - රාත්‍රී වැඩ මුර 3 යි - නිවාඩු දවස් තුනක් විදිහට තමයි ඒක පුනරාවර්තනය උනේ. අප්පේ එහෙම කා‍ලයක්. නිදි මරනවා කියලා එහෙමත් නිදිමැරීමක් අයේ නම් ජීවිතේට හම්බ වෙන්න එපා කියන ප්‍රර්ථනවා මේ මොහොතෙත් කරනවා. ඒ තරම් එපා කරපු කාලයක් මගේ ජීවිතේට සැට් වෙලා නැහැ. දිනයක් - වේලාවක් - අහල පහළ වෙන්නේ මොනවද කියලා මුකුත් දන්නේ නැහැ. හරියට හුඔහෙන් ඇදලා ගත්තා වගේ. තෝන්තු වෙලා උන්නේ. [ දැන්තු එහෙම තමයි :D ] . මේ කියන්නේ 2007 - 2008 වගේ කාලේ.

    ඔය නිදි මැරීම කියන කාරණව මතම, මගේ රැකියා ජිවිතය සම්පූරුණයෙන්ම අනික් පැත්ත ගැහැව්වා. ඒ කි‍ව්වේ .. කලමණාකරන අංශයේ ඉඳලා, තොරතුරු තාක්ෂණයට මාරු උනා. රැකියවක් නැතිව උනත් අර කියපු නිදි මරණ ජොබ් එකෙන් අයින් උනා. අදත් මං එදා ඒ ගත්ත තීරණය ගැන බොහොම සතුටු‍ වෙනවා. ජීවිතය කියන්නේ සල්ලි විතරක් නෙමෙයි කියන එක තදින්ම විශ්වාස කරන මට, ඒ තීරණය ගන්න එච්චර අමාරු උනේ නැහැ. දැනට උනත් මං අහම්බෙන් දවසක තමයි ඔය එක දෙක විතර වෙන කල් ඇහැරිලා ඉන්නේ. ඒත් ඉතින් පසුගිය සතිය පුරාවට සම්පූර්ණ නිදි වැරිම් තුනක් කලා. ඒ අපේ සමීපතම ඥාතියෙක්ගේ මරණයක් කරන කොට ගෙනයි. එහි අවසාන අදියර වූ ඊයේ රත්‍රිය, ඒ කියන්නේ බණ දේශනවා හා අද දින දහවල් දානය සඳහා. ඊයේ රාත්‍රී සිට අද දින සවස 2 වන තුරු නන්ස්ටොප් නිදි මැරීමක් සිද්ද කලා.

    මට දැන් හොඳටම නිදි මතයි .......... මං යනවා නිදා ගන්න ..................

    වැප්

    Sunday, September 26, 2010

    මට මතකයි .......................

    කතාවක් නැහැ ගාම්භීරයි
    සිනහවත් ඇත නිහඬ බවමයි
    සොයා බැලුවේ මා දිවිමගයි
    ඔබ මගේ දිවිකතර ඇරඹුමයි


    ඉදීන් මා ජව බලයි, නිදහස අදහස සිත් දරයි
    කිසිවිට නෑ උදහස, නිරතුරු ඔබ පෑ සෙනෙහසයි
    ඉවසුවේ ඔබ නොවෙද, මා ඔබේ පුතු බැවින
    මා ඔබට ණයගැතියි, සැමදා ඔබ ගුණ පුදයි


    එදවස මා නොවෙද, ඔබ අත්ලේ එල්ලී දැවටුනේ
    මෙදවස මට බැරිද, මා අත්ල දවටන්න ඔබ සිතේ
    සැමදා පුදන්නට ඔබ පා, හැකිය මට දැන් සිත් සේ
    මුමුණන්න අවසරයි , ඔබේ පෑ ගුණ කඳ රිසි සේ 


    මා තුරුණු වියටයි
    ඔබ මහලු වියටයි
    මේ සසර ගමනයි
    ඔබ මගේ ජීවයයි


    වැප්

    Saturday, September 11, 2010

    බස් එකද බුකීයද

    ඔන්න ඉතින් දැන් සති දෙක තුනක වෙලේ ඉදන් බ්ලොග් බැලිල්යි කමෙන්ට් කිරිල්ලයි ඔක්කම අභිමවමින් නැගලා යන වැඩක් තමයි බස් එකේ යෑමයි බුකීයේ රේස් දැමිමයි. දැන් කට්ටය බලයිද දන්නේ නැහැ මොකක්ද මේ බුකිය මොකක්ද මේ බස් එකයි කියලා. ආ ගන්න ගන්න එපා මේ කිව්වේ ගුගුල් Buzz එකයි මුහුණු පොතයි. රයිටෝ දැන් මන් මොනවද මේ දෙකේ කරන්නේ...... ඇ මන් විතරද අප්පේ, නැහැ නැහැ පට්ට සෙට් එකක් ඉන්නවා මේවා විතරක් තම ජවීතය කරගත්ත. ඔය දෙකෙනුත් බස් එකේ යන එක තමයි නැගලා යන්නේ. බුකියේ රෙස් දැම්ල්ලත් නරකම නැහැ. මඩ කියන්නේ එහෙම මඩක් දැකලා නැහැ කොහෙවත්.

    බස් ගැන කතා කලොත්,අපරාදේ කියන්න බැහැ උදේම ආපු කෙනා දානව බස් එකපාරට, මගින් පොඩ්ඩක් ස්ලෝ කරලා කට්ටය නග්ග ගන්නවා. ඔය අතරේ පාස් වලට,යි සිසන්වලටයි, හා එවෙලේ ටිකට් කඩලා විතරක් නෙමෙයි හොරාට යන එවුනුත් ඉන්නවා. ඒ විතරයෑ කැස්බෑවොත් ඉන්නවා. ඔය යන අතරේ සමහර වෙලාවට අධික වේගෙයෙනුත්, දවල් කෑම වෙලාවට ඉබිගමනිනුත් තමයි යන්නේ. දවසකට සමාන්‍යයෙන් කිලෝ මිටර් 500 ය පන්වනවා. ඒ කි‍ව්වේ කමෙන්ට් ගාන තමයි. ගුගල් කාරයා කමෙන්ට් 450 ක් විතර පන්නපු ගමන් ඒ බස් එක කඩලා දානවා. ඉතින් කට්ටය දනි පනි ගාලා ඊලඟ බස් එකට නගිනවා.... අපරාදේ කියන්න බැහැ ඒකත් යනවා මාර ස්පීඩ් එකේ.

    කිසිම වෙනසකින් තොරව මඩ ටික එහාට මෙහාට යනවා. අපරාදේ කියන්න බැහැ එකාට එකෙක් පරදින්නේ නැහැ. ඔය අතරේ වැදගත් දේවලුත් කතා වෙනවා. වැදගත් කියන්නේ කිසි වැදගැම්මකට නැති දේවල්. මාතෘකාව එකක් කතා කරන්නේ තව එකක්. වයස බේදයක් නැහැ ඇන්ටිලා අංකල්ලා චමින්දලා චමිලලා හිච්චි එවුන් ඇට්ටර එවුන් පැහිච්ච චමියලා එකී මෙකී නොකී හැම එකාම ඉන්නවා. ඔය අතරේ ඉස්සෝ වඩේ, කඩල චුයිංගම් විතරක් නෙමෙයි පිට් පොකැට් කාරයොත් නගිනවා. හප්පේ එපා වෙන කොස් එක තමයි බීපු එවුන් නගින එක. නැග්ග වෙලේ ඉදන් සින්දු කියනවා අහගෙන ඉන්න බැහැ .......... අහගෙන ඉන්න නෙමයි බලා ගෙන ඉන්නන බැහැ.

    ඕන් මන්යනවා .......... බස් එකක් තිබ්බොත් ගොඩ වෙන්න එපෑ ............

    තව පොඩි දෙයක්

    බ්ලොග් ලියන, නොදුටු මිතුරන්ගේන් දැකපු 4 වැන්න වූ " අන්තර්ජාලයේ මගේ බිත්තය " ලියන පැතුම් අයියා විසින් රචිත "පරිණමයේ වේදනවා හා වෙනත් කතා " යන කෘතිය ලබා ගැනීමට අද ඔහුව හමු විය. 

    http://biththiya.blogspot.com/2009/12/blog-post_27.html 

    මම වසර ගනනාවකට පසු කතා පොතක් කියවමින් බස් එකේ යන ගමන් :OPD

    වැප්

    Saturday, August 21, 2010

    ත්‍රීවීල්කාරයෙක් වන්නට කැමැත්තෙමි .............

    හන්දියේ ඉඳන් .......
    ගමේ ඔපා දූප ටික සොයන්න ........
    මිනිස්සුන්ගේ හැසිරිම් අධ්‍යනය කරන්න ...........
    රටේ සියලුම සංවර්ධන කටයුතු වලට උපදෙස් දෙන්න ...........
    බජාර් එකේ පක්ෂ විපක්ෂ මතවාද මත ගැටුම් ඇති කරගන්න ..............
    වෙසක් එකට ගැන්සි ගැහිලා මහා බත් දන්සල් දෙන්න ..........
    අතර මගදි  තවත්  හයර් එකක් යන්න ..............
    ක්ෂණයෙන් උදව්වට යන්න ...........
    කැමතියි මන් ...........

    කොහෙද තියෙන්නේ ත්‍රීවිල් ඇබැර්තුවක්
    කොම්පියුටර් කාරයෙක්ට?
    කෙනෙක් ඉන්නවද ත්‍රීවිල් එකේ හයර් යන්න
    හිකිස් ලොල් විතරක් දන්න?
    හයර් හොයන්න පුලුවන්ද ගාස්තුව 
    පේපැල් වලින් ගෙවන?
    හදිස්සියට උදව් ඔනා අය ඉන්නවද
    ටුවිටර් පාවිච්චි කරන?
    කාටහරි ගමේ රස ඔපාදුපා ඔනේද
    මේ දැන් ගුගල් කරපු?


    පාර ගුගල් මැප් එකෙන් හොයන්
    සින්දුවක් යුට්යුබ් එකෙන් දාගෙන
    චැට්ටයක් FB බිත්තියෙන් දමාගෙන
    හයර් යන්න එන්න මාත් එක්ක :D

    වැප්

    Monday, August 16, 2010

    අපරාදේ ඒ හීනේ .....................

    එකලෙස දැනුනට හදේ තනිකමක් - කෙලෙසට පවසම් හිතේ පාලුවක්
    නැතිකල සිත තුල දුක් බර හැඟුමක් - කොහොම කියන්නද රසකර ගීයක්

    වෙනදා දැක නැති හැමදා විඳ නැති -   රසබර අමුතුම පැතුම් පොදක්
    හෙමිහිට ගෙන මා දෝත දරා - සොයනෙමි  ඇය බව සසර පුරා

    ගී පද හෙව්වා කවි පද ගෙතුවා - සිත මා හැඟුමන් ගඟුලක පා කරලා
    සුලඟත් හැමුවා සුවඳත් දැනුනා - හද මා පොපියන සුසුමන් නහවා

    කවදා හමු වේ කෙලෙසක හමු වේ - නිම නැති කැරකෙන සසර පුරා
    හිතුවා මා හද, පැතුවා මා සිත - සැනකින් හමුවට ඇය එන්න කියා

    ආ විට පවසමි, සැමදේ කියනෙමි - ලං වී හෙමිහිට ඇගේ කණට හොරා
    සුව නින්දේ සුභ සිහිනේ මග අතරේ - හනිකට ගැස්සි අහැරුණි රැ තද නනිදේ :D


    වැප්



    Sunday, August 8, 2010

    කම්මැලියෙක් කතා කරයි ...........

    ෆා ගේ ඉල්ලීම පරිදි ලිපියේ මතෘකාව වූ  'කම්මැලි කම' යන්න 'කම්මැලියෙක් කතා කරයි'  ලෙස වෙනස් කරන ලදී. [ කම්මැලි වැඩ :D ]


    කාලෙකට පස්සේ මේ සති අන්තය බොහෝම කම්මැලි විදිහට තමයි ගෙවිලා යන්නේ. සෙනසුරාදා ඒ කියන්නේ ඊයේ මාරම කම්මැලි දවසක් උනා. කරන්න මෙලෝවැඩක් නැහැ කම්මැලිකමට. නැතුව නෙමයි, කරන්න කම්මැලියි. වැඩ නම් තියනවා ඔන තරම් එත් කරන්න හිතෙන්නේ නැති තරමට කම්මැලියි. හිතුවා ඉරිදා නම් කම්මැලිකමක් නැති වෙයි කියලා. බැලින්නම් අද ඊටත් වඩා කම්මැලි දවක්. හපොයි මෙහෙමත් කම්මැලි කමක්. කම්මැලි කමට කරන්නේ මොනවද කියලා හිතන එක ඊටත් වඩා කම්මැලි කමක්. ඇත්තටම මට විතරද මෙහෙම කම්මැලි කමක් හිතෙන්නේ. ඕක කල්පනා කරන එකත් මට කම්මැලි කමක් උනා. ඒ හන්දා කම්මැලි කමට ඒ වැ‍ඩෙත් අත ඇරලා දැම්මා. ටික වෙලාවක් එක දිගට 'කම්මැලිකම 'කම්මැලිකම' කියාගෙන කියාගෙන ගියාම කම්මැලිකම කියන වචනේ තේරුම අමතක වෙලා ගියා. දැන් කම්මැලිකමේ තේරුම හොයන එක මහ එපා කරපු කම්මැලිකමක් උනා.

    කම්මැලිකම යන්න කියලා ලිපියක් දාන්න කියලා කී පරක් හිතුනද. හිතන හිතන හැම වාරෙදිම කම්මැලි කම ඉස්සරහට එනනවා. ඉතින් මං කම්මැලිකමට ලිපිය ලියන එක කල් දැම්මා. ඒකත් මහ කම්මැලි වැඩක් මොකද  කරන්න තියන වැඩක් කල්දානවා කියලා හිතන එක මට කම්මැලිකමක් උනා. ඒපාර කම්මැලිකම පැත්තකින් තියලා මේ ලිපිය ලියාගෙන යනවා. හැබැයි මේක ලියාගෙන යනකොට කම්මැලිකමක් ආවොත් ලිපිය මගින් නතර වෙයි. එතකොට මේක කියවලා ඔබටත් කම්මැලිකමක් ඇතිවෙයි. මොනවා කරන්නද කම්මැලිකම කියන එක අපි කටත් පොදු දෙයක්නේ. මොකද මටයි, කියවන ඔබටයි විතරක් නෙමෙයිනේ කම්මැලිකම ඇතිවෙන්නේ නේද?

    කම්මැලිකම ඇතිවෙන්නේ ඇයි කියලා හොයන්න හිතුනා. ඒ පාර මෙන්න ආයිත් මට කම්මැලිකමක් අවා. ලත්තැනම ලොප් උනා කම්මැලිකම ගැන හොයන එක. මේක මහ පුදුම කම්මැලිකමක් නොවැ, මෙලෝ දෙයක් කරන්නන ඉඩ දෙන්නේ නැහැ කම්මැලිකම පනිනවා මැද්දෙන්. අනේ හැබෑටම මේ කම්මැලිකමට හිතෙන්නේ නැද්ද කම්මැලිකමක්? එහෙම හිතෙනවා නම් කෝච්චර හොඳද කම්මැලිකම කියන එක. එහෙනම් අපි කවුරුත් කැමති වෙයි කම්මැලිකම අපි ලඟට එනවට. එත් හැමදාම හැමවෙලාවෙම කම්මැලිකම එන්න ගියාම ඒක ඊටත් වඩා කම්මැලිකමක් වෙයි නේද?

    ඇතුවත් බැරි නැතුවත් බැරි කම්මැලිකම එන වෙලාව හරියටම කියන්න බැහැ. ඒ කම්මැලිකම එන වේලාව හොය හොය හිටියොත් දන්නේම නැතුව  කම්මැලිකම ඇවිත්. කම්මැලි වෙලාවට කම්මැලි කමට කම්මැලි කමක් ගැන කම්මැලි විදිහට ‍ලියපු කම්මැලි ලිපිය කියවලා කම්මැලි වැඩිකමට, කම්මැලි ගතිය පෙන්නවන කම්මැලි ඈනුම් නම් අරින්න එපා.

    වැප්

    Wednesday, August 4, 2010

    මේ ඇයමද?

    සුදු මුහුණේ ලස්සනට - කොනින් කොන වම් අතට
    ලස්සනට දික් අතට - කලුලපය  නිකට ලඟ උඩු අතට
    කෙහෙරැල්ල  ඉන ලඟට - දසන් පෙළ එක දිගට
    දකින විට දුර තියා මගේ නෙතට - දෙවෙනි නැහැ දෙව් ලොවක දෙවඟනට

    අනේ දැන් ඈ කොයිද?  මේ ඇයද? වෙන කවුද?
    පෙම් බැන්ද මගේ හිතම අද නැද්ද අඳුනන්නේ ඇය?
    කෝ කොයිද අප ගෙතූ ඒ හිතලු පොත?
    පෙරලන්න, දැන ගන්න ඇයමද මේ දකින ඇය?

    දකින පිටු අතර ඇති ඒ මුහුණ අද නැහැ
    කලු ලපය ඒ ස‍ඳේ අනේ අද එළිය නැහැ
    කෙස්වැටිය කර ලඟට දසන් පෙල එලෙසටම
    මේ ඇයද කියා මට වැ‍ටහෙන්නේ නැහැ

    කාලයක් ගොසින් ඇත - තනියෙන්ම ඉඳින්නට ඇත
    මරණයට ලංව ඇත - තනියෙන්ම යන්නටම වෙන
    අප පැතූ ආදරය - එක්ව මැවූ ලෝකයම
    අදත් ඇත හදතුලම - හමු වු මේ විරාමය තුල

    වෙන්වුනු දවසේ  සිට - හමු වු මේ මොහොතට
    ‍තනි තනිව හිටිය අප - එක්වන්නට පින් කලා මදි
    නැවත මට අවසරයි වෙන්වෙන්ට  - තෙරක් නැති මේ සසර තුල


    වැප්

    Saturday, July 24, 2010

    HACCP කියන්නේ මොකක්ද?

    වරහන් තුල ලියනුයේ වැටහෙන අර්තය මිස අන්කිසිවක් නොවන බව කරුණාවෙන් සලකන්

    එවා මේවා හැම දේම ලියවෙන අන්තර්ජාලය තුල හැසප් ගැන ලියවිච්ච තැනක් කරන්න ඔනා කියලා හිතුන හින්දා ඕන් අද මේක ලියනවා. මේක ටිකක් විතර බර වැඩිද මන්දා. ඇත්තටම කිව්වොත් මාත් එච්චර බර වැඩි ලිපි වලට කැමති නැහැ. ඒත් ඉතින් මේක දැන ගෙන ඉන්න එක වටිනවා. අඩුම ගානේ මෙහෙම එකක් තියනවා කියලා දැන ගන්න එකවත්. හරි කෙලිනම් මාතෘකාවට එමු.

    මොකක්ද හැසප් කියන්නේ HACCP - Hazard Analysis and Critical Control Points

    අර්ත දැක්වීම - [ දායකත්වය - විකි ]
    Hazard Analysis Critical Control Point (HACCP) is a systematic preventive approach to food safety and pharmaceutical safety that addresses physical, chemical, and biological hazards as a means of prevention rather than finished product inspection.

    භෞතිකව, රසායනිකව හෝ ජීව විද්‍යත්මකව, ආහාර හෝ බෙහෙත් වල ඇතිවිය හැකි විෂමතාවයන් වලක්වාලීම හා එසේ විය හැකි තත්වයන් කලින් අඳුනා ගැනිම. [ මේක වැප්ගේ සිංහල අර්ත දැක්වීම :D ]

    මට තේරෙන සරළ සිංහලෙන් කියනවා නම්, මේක අදාල වෙන්නේ අපි කන බොන දේවල් වලටයි ඖෂධ වලටයි තමයි. ඒ කියන්නේ අපි කන බොන හෝ බෙහෙත් වලන් අපේ ශරිරයට විය හැකි කරදර නැති කර ගැනීම. සරළ උදාහරණයක් කිව්වොත්. හාල් වල ගල් තීබිම. මෙක නිසා අපේ දත් කැඩෙන්න පුලුවන්. ඒක නිසා යම් කිසි කෙනෙක් මේ ........... ආ හෝව් හෝව් ........ කියන්න බැරි උනානේ මේක මෙන කෙහෙල් මලක්ද කියලා තාම


    හරි HACCP කියන්නේ හරියට ISO 19000 හෝ 20000 වගේ තත්ව සහතිකයක්. මේක දෙන්න වෙනම ආයතන තියනවා. ඒ වගේම අන්තර් ජාතික ප්‍රමිති කරණයක්. හැබැයි තියෙන්නේ කන බොන හෝ ඖෂධ වලට නැත්නම් මිනිසාගේ ශරිර සෞඛ්‍ය නිසිපරිදි පවත්වාගෙන යාමට. ම්ම් ඔය ඇති.

    මෙතන කාරනා දෙකක් තියනවා, එකක් තමයි Hazard Analysis (විෂමතාවයන් විශ්ලේෂණය). අනික තමයි Critical Control Points ( යමක පැවතිය හැකි අවම අගය ).

    මුලින්ම ගමු Hazard Analysis (විෂමතාවයන් විශ්ලේෂණය)
    මේ කෑල්ල ඉතින් විශ්ලේෂනය තමයි. මේක වඩා වැදගත් වෙන්නේ අලුතෙන් නිශ්පාදනයක් වෙළඳ පලට හඳුන්වලා දෙනකෙට තමයි. මොකද කියලා කියනවා නම් එතකොට පුලුවන් ඒ නිශ්පාදනය නිසා අපට වෙන්න පුලුවන් හැම ආකාරයකම වින්නැහියක් හඳුන ගන්න. උදාහරණයක් විදිහට කියනාව නම් හිතන්න, අපි පටන් ගන්න යනවා පකඩ නිශ්පාදන කර්මාන්ත ශාලාවක් [ පකඩ දන්නේ නැත්න්ම් නිකන් හිටපල්ලා :D ]. මෙතනදි අපි සලකා බලනවා මේ නිශ්පාදනය අතර තුරදි ශරිරයට අහිතකර දේවල් වෙන්න පුලුවන්ද කියලා. තව දුරටත් කියනවා නම් මේකත් එක්ක යම් විදිහකින් වැලි කැට පැකට් වෙන්න පුලුවන්ද කියලා. ඒ කිව්වේ නිශ්පාදනයේ මොන යම් අවස්ථාවක හරි පකඩයි වැලි කැටයි එකට පැකට් වෙන්න පුලුවන්ද කියලා. බැරි වෙලාවත් එහෙම ඉඩ කඩක් තිබුනොත් අන්න ඒ අවස්තාව මග ඇරලා නිශ්පාදනය කොහොමද කරන්නේ කියලා ආයිත් නිශ්පාදන ක්‍රියාවලිය වෙනස් කරනවා. එහෙම නැත්නම් තීරනයකට එනවා එක පැකට් එකක වැලි කැට 5 ක් තිබිය හැක කියලා.

    දෙවෙනි එක - Critical Control Points ( යමක පැවතිය හැකි අවම අගය )
    දැකලා තියනවාද ගෙදරට ගේන සමහර කන බොන එවෑ තියනවා මේච්චර උෂ්නත්වයක රත් කරගන්න කියලා. අන්න එක තමයි Critical Control Points කියන්නේ. අපි ඊට වඩා අඩු හෝ වැඩි උෂ්නත්වයට මේක පාවිච්චි කලොත් අපේ ශරිර කුඩුව ලෙඩ වෙන්න පුලුවන්. එවගේම ඒක වැඩි පුර රත් ‍කලොත් එකේ තියන ගුණාත්මක භවය උනත් නැති වෙලා යනවා.

    දැන් ඉහත කරුණු දෙක ලාවට වගේ මොලේට යන්න ඇති. මේක එකපාරක් කරලා නවත්වලා දාන ක්‍රීයාවලියක් නෙමෙයි. මේක කරුණු හතක් පදනම් කරගනිමින් ඉදිරියට තව තව වැඩි දියුණු කිරිම් වලට භජනය කරනවා.එවා ඔනා නැහැ. ඔනා අය ඉන්නවා නම් ඉහත විකි බැඳියට ගොඩවන්න :D


    යම්කිසි කෑමකට මේ හැසප් සහතිකය තියනවා නම්. ඒ අදාල කර්මාන්ත ශාලවට මෙන්ම පාරිබෝගික අපිටත් වසි තියනවා. ආයතනයට නම්බුවක්, ඒ එක්කම මේ සහතිකය පෙන්න පෙන්න අලෙවිකරණය ( මාකටිං) කරගන්න පුලුවන්. අහිංසක අපිට ඉතින් බය නැතුව කන්න පුලුන් ඒ කෑම. මොකද ෂුවර්නේ මේක කැවොත් බඩ යන්නේ නැහැ කියලා :D

    ඔන්න ඔකයි කතාව කෙටියෙන්. මීට පස්සේ කෑම බීම බෙහෙත් ගද්දි බලන්න හැසප් සහතියක ලත්ද කියලා.

    වැප්

    Thursday, July 22, 2010

    වසර තුනකට පෙර සිංහල බ්ලොග් අවකාශය.

    තෙරක් තොරක් නොපෙනෙන අන්තර්ජාලය තුල එහෙ මෙහෙ යනකොට අහම්බෙන් වගේ පරණ බ්ලොග් එකක් හම්බ උනා ... ඒක දිගට තව තව යද්දි තව තව එව්වා හම්බ උනා ....

    එහෙම මට අහුවෙච්ච හොදයි කියලා හිතුණ ටිකක් මෙන්න.....

    මේ දාල තියන ගොඩාක් අඩවි දැනට වසරක විතර වෙලේ ඉදන් කිසිම ලිපියක් ලියපු නැති එව්වා. තව ගොඩක් හම්බ උනත් මට හොදයි කියලා හිතුන ටික තමයි මේ.

    දැන් මෙයාලට මොකද වෙලා තියන්නේ කියන එක තමයි මට තියන ප්‍රශ්ණය. මේවා බලපුවාහම ඒ දවස් වල ඒ කියන්නේ මීට වසර තුන හතරකට උඩදි කොහෙමද සිංහල බ්ලොග් අවකාශය හැඩ උනේ කියලා හොය ගන්න පුලුවන්. ඔවුන් එදා අමාරුවෙන් පටන් ගත්තට අද කොයි තරම් පහසුකම් අපිට තියනවද?


    තව දෙයක් මට හම්බුණ ඒ පරණ බ්ලොග් අතර මං දන්න හා දැනුත් සිංහල බ්ලොග් ලියන දෙන්නෙක් ඉන්නවා

    තව අය ඉන්න පුලුවන් මේ මගේ දැනුමේ හැටියට ......

    වැප්

    Sunday, July 18, 2010

    රාවණ රාජ්‍යයේ මහා උත්සවය

    සඳින් සඳ මෝදු‍ වී අහස් කුස බබළවා සඳකැන් පොළව මත පතිත කරනා ඒ පුර සඳ පායා ඇති සොඳුරු රාත්‍රියේ ලක් වාසී පින්වන්ත ජනයා ලහි ලහියේ සැරසෙමින් සිටින්නේ, හෙට දිනට උදා වන්නාවු, අප මහා රාජෝත්තමයන් වුද, ලක් භුමියට භුපල් වූද, සකල ලංකාපුරයටම මහරජ වුද, මහත් වු තේජසින් ආඩ්‍ය වුද, ගාම්භිර වූද, වාසනාවන්ත පින්වන්ත වූද අපේ මහා රජානණ් වු අති ශ්‍රේෂ්ට, අති උත්තම රාවණ රාජෝත්තමයන්ගේ නැගෙණිය විදේස් සංචාරයකට පිටත්ව යාම නිමිති කොට ගෙන, සකල වාසී ලාංකීකයෝ සමගින්ද, ලාංකා රාජ්‍යයේ රාජ අනුග්‍රහය ඇතිවද, විදෙස් රාජ්‍යන්ගේ සම්භාවනීය ආරාධනයෙන්ද, එක් සිත්ව එකා මෙන්ම , ලාංකා මෑත ඉතිහාසයේ මහත් වු අලංකරණයෙන්ද, උත්වත්ශ්‍රීයෙන්ද, සැනකෙළියක අර්තයෙන්ද, රටවාසීන් සියල්ලම ප්‍රීති ප්‍රොමෝදයෙන්ද, අමන්නාදනයෙන්ද, මුසපත් කරන්නට සැරසෙන්නා වු ඒ මහා උත්සවය මුලු හදින්ම, හද බැතියෙන්ම, අප මහා රාවණ රාජෝත්තමයානන්ට කරන ගරු සැලකීල්ලක්, රාජ්‍යයට අවනත වීමක්, රාජ්‍යට පක්ෂපාති බව ඇඟවීම යන කරුණු එකා මෙන්ද, රට වැසියන් යන නියමයෙන්ද, ඒ අති උත්තම සකල විද ජය ගත් මහා බලැති, මහා බලානු සම්පන්න ලාංකා රාජ්‍යයේ මුල්ම පුරුවැසි වුද, රාවණ රජ්‍යයේ නිර්මාතෘ වුද, ලොව ජය ගත් මහා රජාණන් වු අප පින්වන්ත රාවණ රජුගේ රාජ මගපෙන්වීමනේද, මහාමත්‍ය ප්‍රමුඛ අන්‍ය රාජකීයන්ගේ අවසරයෙන්ද, ඒ වාසනාවන්ත පින්බර දිනය උදාවන්නේ, පෙර සිරිතට අනුව හෙවත් මෙතෙක් කල් රැකගත් සම්ප්‍රදායට ගරුකීරිම හෙවත් නිති සම්පාදනය වී ඇත්තේ මෙලෙසින් බැවින් නිසාමත්, එය පැහැදිලි කරනුයේ නම් මෙලෙසත්, "රජුගේ නැගෙණියක් යම් දිනක ප්‍රතම වතාවට විදේස් රටක සංචරනයක් යෙදෙන්නේ නම් එදිනට පෙරදින සකලවාසී රටවැසියනුත්, සියලු රාජකීයනුත්, විදෙස් මිත්‍රයිනුත්, ඒ පින්බර , මන පිනවන රූප ශ්‍රීයෙන් අග්‍ර වු වාසාවන්ත නැගෙණිය වෙනුවෙන් එක්ව එක් සිතින් එක් හඬින්, යොදාගත් සංචාරයට සුබ පැතීම, ආශිර්වාද කීරිම, උපෙදෙස් දීම හා එය සාර්තත්වයට පැමිණෙනු ඇතැයි කියන විශ්වාසයෙන්ද, අරමුණින්ද, ඒකායන පරමාර්තයෙන්ද උත්වයක් පවත්වන්නේය", එලෙස සඳහන් කල පරිදිම ‍තවත් මොහොතකින් ලාංකා භූමිය පතිත වන්නා වු අලුත් හිරු කිරණයෙන්ද, සූර්ය රශ්මියෙන්ද, නහවමින් ඒ සුබ දිනය සුබ නැකැතින් උදාවනු ඇත.




    උදා හිරු කිරනින් හැඩ වැඩ දැමු ප්‍රධාන නගරය බබළවමින් දිලිසෙමින්, ලාංකා රජ්‍යයත් එහි වැසියනුත් බලාපොරොත්තු වුද, පැතුවා වූද ඒ මහා උත්සවය ඈරබුම සනිටුවන් කරනුයේ, අඩි 42000 ක් ඉහල ආකාසේ සිට මල් ඉසිමින් රාජකීය ලිලාවෙන් අඔර සිසාරා හැඩ වැඩ වෙමින් පියාසරන රාවණ රාජ්‍යයේ මහා නිර්මාණය වු දඬුමොනර හෙවත් ආකාසයේ ගමන් කල හැකි, අහස් කුස ජයගත් අහස් යනා ත්‍රිත්වයක් ලාංකා අහස් කුස තම ග්‍රහනයට ගෙන ඒ කොන මේකොන පියසර කරමිනි. 'කොහොම්බගම' වරියපොලින් එක් යානයක්ද, 'බිගන්තලාව' වාරියපොලින් තවත් යනා දෙකක්ද මෙසේ අහස්කුසට නැග හැඩ වැඩ දමද්දි, රටවැසියයෝ ප්‍රීති ප්‍රමෝදයෙන් උද්දමයට පත්වී වැල නොකැඩී, එකෙක් පස එකා පොරකමින්, විසිවෙමින්, හනිකෙන් මේ නගරයේ ප්‍රදාන උත්සව භූමියට ගමන් කරති. මහා ජන සමුහය, එක් තැන් කරන්නටම සැකසු ඒ මහා භූමිය වු කලී වසරට පමණ පෙර උත්සවය සඳහා, උත්සව භුමිය සැකසිම පිණිස වසා දෑමු ප්‍රධන වරියපොලයි. එක් වර යාන සියයක පමණ මෙහෙයුම් කල හැකි මේම භුමියම මෙයට තොරාගනු ලැ‍බුවේ එහි ඇති ඉඩ කඩ නිසමය. ප්‍රධාන වරියපොල තාවකාලිකව වසා දැමිම කරනු ලැබුවේ එවැනි තවත් වරියපොල දෙකක් රජ්‍යයේ දෙකොනේ තැනීමෙන් අනතරුවය. නෙඑසේ නම් රට අභ්‍යන්තරයේ ගමනා ගමනය අඩාල වී රටවැසියා අපහසුතාවයට පත් විම නොවැලැක්විය හැකි විය. එහෙයින් අප රාජ්‍යයේ මහාරජු වු රාවණ රජුගේ දුර දක්නා නුවනින්, ස්තානොචිත ප්‍රඥ්ඥාවේ මහිමයෙන් ලංකා රජ්‍ය සඳහා තවත් 'වාරියපොල' දෙකක් හිමි විය.


    හිරු පායා හෝරා දෙකක් ගෙවෙන තැන, ලාලිත්‍යයෙන් අග්‍රවුද, සියුමැලි බවින් සුපසන් වූද, නිහතමානීත්වයෙන් දෙවෙනි නොවුද, රූසපුවෙන් මෙතුවක් කල් ප්‍රථමයා වුද, ආඩම්බරය අතින් උසුලාගත්තා වුද, ලාංකා රාජ්‍යයේ සිරියාකාන්තාව වූද, ලක්රාජ්‍යයේ වාසනාවන්තිය වුද, පින්බර මනුසත් දෙවඟන වූද, අප මහා රාවණ රජුගේ නැගෙණිය පරිවාර කාන්තාවන් පිරිවරා, උත්සව භුමියම එකාලෝක කරමින්, බබළවමින්, වරිණවත් කරමින්, රට කොනින් පැමීන ජනයාද, රට අභ්‍යන්තරයෙන් පැමිණි ජනයාද, නගරවාසීන්ද, සියලු සකලවිද ජනී ජනයාද මොහොතකට තම ග්‍රහණයට ගනිමින් උත්සව භුමීය දැඩි නිශ්ෂබ්ද තාවයකට පත් කරමින් මෙසේ ප්‍රධාන පිටිකාවේ හිමි අසුනේ සීරුවෙන් අසුන් ගත්තේ, තම අයියණ්ඩය වූද රජ්‍යයේ භාරකාරයා වූද අප මහා රාජෝත්තමයානන් වූ රාවණ රජු කොහේ දැයි සොය බලමිනි. පොරකමින් තෙරපෙමින් බැන අඩගසිමන් සකලවිද ජනී ජන‍යා දුප්පත්, පොහොසත් කුල හීන, කුලවත් යන පුහුදුන් කරුණු පසෙක ලමින් මෙසේ ප්‍රධාන පිටිකාව දෙසට ගමන් කරනුයේ ඒ සුපින්වත් පින්වත් කරුණාබර ශ්‍රීයා කාන්තාව වූ රාවණ රාජ්‍යයේ රාජ කුමරිය වු රාවණ රජුගේ නැගෙනිය දැක බලා සතුටු වීමටය. තරුණ ගැටව් කල්ලි ගැසී, මැදි වියේ හා මහලු ජනයාට උසුලු විසුලු කරමින් පොරකමින් ඉදිරියෙන් ඉදිරියට යමින්, ලංකා රජ්‍යයේ පින්බර දෙවඟන දැක බලා සතුටු විමේ අරමුනින් හනි හනිකට ඉක්මන් ගමනින් අන් අය පසෙක ලමින් තව තවත් ප්‍රධාන පිටිකාව වෙත ලං ලං වෙයි. වචනයක් කතා කිරිමේ වාසනවා නොලත් තරණ කොල්ලලෝ, ඇය දැක බලා සතුටු වි පසෙක ඇති මතින් මත් වී භමණය වෙමින් රිසිසේ විනෝදයෙන්, සතුටෙන් හා මහත් වු විනෝදකාමිත්වයෙන් නැවතත් ප්‍රධාන පිටිකාවෙන් ඈත් වී යයි.



    තරුණ මදයෙන්ද, රූප ශ්‍රීයෙන්ද අග්‍රගන්‍ය තරුණ වියේ සතුට බුක්ති විඳින ඇය, සිදුවන සියල්ල මෙසේ අසුනේ සිට දැක බලමින් සිටින මොහොතේ, ඉතා ඔනෑ කමින් පැමිණ සිටින, විනෝද වන , මහත් ප්‍රීතියෙන් සිටින ජනයා අතරින්, එක් රුවක් දෙස මහත් ඔනෑ කමින් බලා සිටිනුයේ, ඇය දෙස බලා සිටින තරුණ ගැටව් ඇස් පිය නොහෙලා බලා සිටින්නාක් මෙනි.


    මෙය වුකලී ඇයගේ ප්‍රේමවෘතාන්තයේ පටන් ගැන්මද?

    මෙම් කතාව මීටත් වඩා රසවත්ව රිසි පරිදි ගෙතීමට හැකි අයට ආරාධනා කරමි ....

    වැප්

    Sunday, July 11, 2010

    කොන්දොස්තර හා මහත්තයා

    හෙඩිම දැක්ක ගමන්, හිතන්න එපා මාත් දැන් බස් වල යනවා කියලා. මොකද කට්ටිය දන්නවානේ මන් යන්නේ මගේම වාහනයක හා අත දාන ඔන අයෙකුට ඒක නවත්වනවා කියලා. ඒ වගේම මේ බ්ලොගය බලන කට්ටිය දන්නවා වැප් බස් වල යනකොට BBC ඔන් කරන් තමයි යන්නේ කියලා. ඇයි අප්පේ ත්‍රස්තවාදය නැති උනාට අපිට කියලා තියෙන්නේ අවට ගැන සෝදිසියෙන් ඉන්න කියලා නොවැ. මං ඉතින් ඕක කිව්වා නැතා මගේ යුතුකම ඉෂ්ට කරනවා. මොකද අතින් පයින් යන එකක් යෑ. කතාවක් ඇහෙන පැත්තට එක කන් පෙත්තක් සුසර කරනවා එච්චරයි. බැරි වෙලාවත් කතා දෙකක් ඇහුනොත් කියලා තමයි ඔය එක කන් පෙත්තක් විතරක් එක කතාවක් දෙසට ටියුන් කරලා ගන්නේ. කොකටත් කියලා හැම තිස්සෙම එක කන් පෙත්තක් බැකප් තියාගෙන ඉන්නවා. වැඩේ කෙස් වෙන්නේ කතා තුනක් ඇහුනොත් තමයි. ආ ඒකත් එච්චර අවුලක් නැහැ කට ඒ පැත්තට හරවලා ගහනවා අලුත් සන්නිවේදන කණුවක්. මගේ මධ්‍ය ජිවිතය ගැන කියන්න ගිහින් කියන්න අපු කතාව අමතක වෙලා යනවා තව පොඩ්ඩේන්.

    දිනය කිව්වොත් ගිය සිකුරාදා, සුපුරුදු විදිහට 5.30 ඔෆිස් ඇරිලා ගෙදර එනවා. ආ නැහැ දැන් ඒකත් සුපුරුදු නැහැ දැන් ඇඟිල්ල ගහන්න තියෙන්නේ 6 ට. ඒ කිව්වේ දැන් 96ට තමයි වැඩ කරන්නේ. 69 නෙමෙයි හොදේ මොකද 69 කිව්වාහම ඉතින් එක එක වැරදි සිතුවිලි එනවානේ. හරි ඔන්න දැන් මෙතුමා කොළඔ ඇස්ඇල්ටි එක ගාවින් කිරිබත්ගොඩ කරා එන බස් රථයකට ගොඩ උනා. බස් එක පටන් ගන්නේ එතනින් හින්දා සීට් එකක වාඩි උනා, [ සීට් එකක නැතුව බිම වාඩි වෙන්න යෑ ]ගොඩ වෙන පැත්තෙම විදුරුවක් ලඟ. ඔන්න දැන් කොන්දොස්තර මහත්තයා ටිකට් කඩාගෙන එනවා. ටිකට් කඩං එනවා කව්වාට සල්ලි ගන්නවා විතරයි. කෝකටත් කියලා මං ලඟ ටිකට් එකක් තියනවා, ඒ උදේ යද්දි වෙන බස් එකක කොන්දොස්තර දුන්නු ටිකට් එක. ඔන්න ටිකකින් මේ කතාවේ කතා නායකයා ගාවට ඇවිත් ටිකට් එකක් ගන්න කියලා, කොන්දොස්තර මහත්තයා කිව්වා. මෙන්න සංවාදය .... උණු උණුවේ වම් කනේ බැකප් දාගත්තුවා

    පුර්විකාව
    වේදිකා මද අඳුරේ ඒ අතර තුර යන්තම් කොන්දොස්තර, ඩයවර් උන්නැහේට කියලා එක ලයිට් එකක් දාගත්තා.

    චරිත
    කොන්දොස්තර - වයසක අඟපතෙන් කුඩා තරමක් අඩු උස අයෙකි
    අදාල මගියා - මැදිවියේ කන සාක්කුවේ දමා ගත් මහත්තයෙකි

    පේක්ෂකාගාරය
    BBC - ඔන් එකේ

    කොන්දොස්තර - ටිකට් ටිකට් ටිකට්
    මගියා - කෝ?
    කොන්දොස්තර - මහත්තයා ටිකට් ගන්න
    මගියා - කෝ? ‍ටිකට්
    කොන්දොස්තර - මහත්තයා සල්ලි ගන්න
    මගියා - ආ ඉන්න සල්ලි දෙන්නම්
    කොන්දොස්තර - මහත්තයා කොහෙන්ද බහින්නේ
    මගියා - පාලම උඩ
    කොන්දොස්තර - අලුත් පාලමද? ගුවන් පාලමද?
    මගියා - අලුතෙන් හදපු ගුවන් පාලම නෙමෙයි අනික
    කොන්දොස්තර - කැලණි පාලම

    අතරතුර
    වේදිකාව දැඩි නිෂ්ශබ්ද තාවයේ සියලු මගීන් මේ සංවාදය දෙස තම තමුන්ගේ කන් පෙති දෙකම යොමාගෙන. මා පමණක් එක් කනක් බැකප් තාබාගෙන.

    මගියා - සල්ලි දෙන ගමන් කොන්දොස්තර මහතාගේ මුහුණ දෙස ඔනෑකමින් බලාසිටියි
    කොන්දොස්තර - තව රුපියල් දෙකක් ඔනා
    මගියා - දැඩි නිශ්ෂබ්ද තාවය
    කොන්දොස්තර - මහත්තයා තව රුපියල් දෙකක් ඔනා
    මගියා - ඉන්න යයි කියමින් රු 100ක් දික් කරයි
    කොන්දොස්තර - සද්ද නැතිව සියෙන් රු 2 ගෙන ඉතුරු සල්ලි මගියාට පිරිනමයි
    මගිය - ගත් ඉතුරු සල්ලි කිහිප විටක් ගනීමින් නිවැරුදි දැයි පිරික්සා බලන අතර තුරු කොන්දොස්තර දෙසට හොර බළල් බැලුම් දෙක තුනක් එල්ල කරයි
    කොන්දොස්තර - මහත්තයා හරිද
    මගියා - තාම ගනිනවා


    විවේක කාලය
    වේදිකාවේ තිරය වැසී යයි. අලුත් පාලම දෙසට බසය ලඟ වෙමින් පවතියි. මගියා තද නින්දේ නිදි සුව විඳිමින්, දැන් බසය සුගත දාස ගෘහස්තය අසල

    නැවතත් වේදිකාවේ තිරය විවෘත වෙයි
    කොන්දොස්තර - මහත්තයා පාලම ඉස්සරා, නැගිටින්න
    මගියා - තත නින්දේ
    කොන්දොස්තර - මහත්යා බහින්න ඔන නම් ඉස්සරහාට යන්න
    මගියා - ඉතුරු සල්ලි
    කොන්දොස්සර - දුන්නේ එකපාරක්
    මගියා - එකවර සාක්කු වලට තම අත් කුකල් යවමින් සල්ලි සොයයි
    කොන්දොස්තර - ඩයිවර් මහත්යා දෙසට කෙමෙන් කෙමෙන් පිය නගයි

    දැන් ඔන් බසය අලුත් පාලම අසල ලඟා වෙමින් පවතීයි

    කොන්දොස්තර - මහත්තයා බහින්න ඉස්සරහට යන්න
    මගියා - සද්ද නොඅසෙන සේ ..... අම්XXXX හුXXX කැXXXX හුXXX පුතා ඉතුරු සල්ලි
    කොන්දොස්තර - මගියා අසලට පැමිනේ
    මගියා - කිසි දෙයක් සිදු නොවු ගානට පලම ලඟ බසිනවා යයි පවසමින් ඉදිරි දෙර ලඟට විසි වෙමින් පාවෙයි
    කොන්දොස්තර - පසු පස දොර ලඟට සක්මන් කරයි
    මගියා - ඉදිරි දොර ලඟ සිට නැවතත් අත දිගු කරමින් කොන්දොස්තර මහතාට ගොලු බාසවෙන් බැන වදියි
    කොන්දොස්තර - නැවතත් ඉදිරි දොර ලඟට හෙවත් මගියා සිටින තැනට පැමිනෙයි
    මගියා - ඉතුරු සල්ලි
    කොන්දොස්තර - දුන්නේ
    මගියා - ආ දුන්නා නම් කම්ක් නැහැ
    කොන්දොස්තර - මේ හොල්ට් එක කැලණී පාලම, බහින්න
    මගියා - ඉතුරු සල්ලි
    කොන්දොස්තර - දුන්නේ

    මෙවිට බසය පැලියගොඩ හොල්ට් එක දක්වා ධාවනය වෙමින් පවතියි

    මගියා - කමක් නැහැ ඊලඟ එකෙන් බහිනවා
    කොන්දොස්තර - පසු පසට දොර ලඟට යයි
    මගියා - පැලියගොඩින් අමාරුවෙන් බැස ගනී
    කොන්දොස්තර - සද්දෙන් මගියාට බැන වදියි


    ඔය කන් දෙක එක එක පැති වලට සුසර කරන ඒකම කෙනා මං විතරක් නෙමෙයි නේද? :D

    සත්‍ය සිදුවිමක් පාදක කොට, යම් යම් නිර්මණ ශිලි කොටස් අතලොස්සක් එක් කරගනිමින් මෙම විශිෂ්ට කලා කෘතිය නිම කල බවත් මෙහි එන නම් ගම් සියල්ල මනක්කල්පිත බවත් මෙසේ ප්‍රකාශ කරමි.


    වැප්

    Saturday, July 10, 2010

    විචල්‍යක් බවට පත් කල බුදු හාමුදුරුවන්ගේ උපන් දිනය

    වෙසක් මස පළමුදා
    වෙසක් මස දෙවනිදා
    වෙසක් මස තුන්වෙනිදා
    වෙසක් මස හතරවෙනිදා
    වෙසක් මස පස්වෙනිදා

    වෙසක් මස හය වෙනිදා
    වෙසක් මස හත් වෙනිදා
    වෙසක් මස අට වෙනිදා
    වෙසක් මස නම වෙනිදා
    වෙසක් මස දහ වෙනිදා

    වෙසක් මස එකොලොස් වෙනිදා
    වෙසක් මස දොලොස් වෙනිදා
    වෙසක් මස දහතුන් වෙනිදා
    වෙසක් මස දාහතර වෙනිදා
    වෙසක් මස පහළොස් වෙනිදා


    වෙසක් මස දාසය වෙනිදා
    වෙසක් මස දාහත් වෙනිදා
    වෙසක් මස දහඅට වෙනිදා
    වෙසක් මස දහනම වෙනිදා
    වෙසක් මස විසි වෙනිදා

    වෙසක් මස විසිඒක් වෙනිදා
    වෙසක් මස විසිදෙ වෙනිදා
    වෙසක් මස විසිතුන් වෙනිදා
    වෙසක් මස විසිහතර වෙනිදා
    වෙසක් මස විසිපස් වෙනිදා

    වෙසක් මස විසිහය වෙනිදා
    වෙසක් මස විසිහත් වෙනිදා
    වෙසක් මස විසිඅට වෙනිදා
    වෙසක් මස විසිනව වෙනිදා
    වෙසක් මස තිස් වෙනිදා

    වෙසක් මස තිස්එක් වෙනිදා

    දැන ගැනීම පිණිස පමණි

    වැප්

    Thursday, July 8, 2010

    මගේ බ්ලොග් කෙරුවාව

    බලන් මිතුර දොරට වැඩුම - උදුවප් මහ මුල්ම ලිපිය
    කෙටියෙන් එය හැඳින්විම - මෙතුවක්කල් කෙටිම ලිපිය

    දුටවාද එහි අකුරු කෙරුම - මහප්‍රාණ පඩ ෂෝ එක
    නැතුවද එහි ගන්න යමක් - දුකා ගිත් කමෙන්ට් දෙකක්

    තදට හැදුන අමාරුවට - දෙසැම්බරේ දෙවන ලිපිය
    මහ තෙර හිමි සෝම හිමිට - පිදුවෙමි මගේ ශෝක පිදුම

    අනේ අපොයි වසර 6 යි - ලිව්ව දිනට සමුගෙන හිමි
    නිවන් සුවත් පැතුවා එහිමිට - දුකා ගිත් මෙදත් එතන

    දෙසැම්බරේ අවසන අග - අලුතෙන් ආ අමුතු පැතුම්
    එක් කර මා ලියු දේට, බිඟු සම්පත් - පිස්සා තරිඳු රාළ එහෙම
    සිතිජ මංජු CD සාරංග ඇතුව අතර - පැතුවා සැම නව අසිරිය

    නව අවුරුදු අලුත් පැතුම් - විචාරයක් සිංහල ගැන
    3නට කඩලා මුල්ම ලිපිය - ලිව්ව දේට කලවම් කර
    ප්‍රතිචාරත් එමට හොඳට - සතුටු උනා ලිව්ව දේට

    ජනවාරියේ දෙවන ලිපිය - ගැනම තමයි වැලි කෙළියේ
    සෙල්ලං ටික අපි කරපුවා - කමෙන්ට් වලත් වෙන එව්වා
    ගනින විදිහ මං කිව්වා - වෙනත් එව්වා උන් කිව්වා

    මෙන්න එනවා ජන වරණේ - කට පැත්තක් කොකියන්‍ නේ
    මගේ පැතුම පවසන්නේ - කෙලින් නොකියා බර දුන්නේ

    ලියන්න දේවල් එමටයි .... ඒත් මුල ඉදලා ආයිත් මං ලිව්ව එව්වා බලන්න හිතුනා ... මං ලියන එවා ගැන මුලින්ම සතුටුවෙන්නේ මමනේ .. මෙන්න එහෙම මං ආයිත් රස විඳපු මුල් ලිපි කිහිපය ..... ආ අමතක උනා මේක බ්ලොග් එකට වර්ෂ පුර්ණයක් හෝ ලිපි 100 කට වඩා ලිව්ව හින්දා හදපු ලිපියක් නෙමෙයි. වර්ෂ පුර්ණයට බොහෝ කාලයකුත් ලිපි 100 කට තව චිරාත් කාලයකුත් තියනවා. කොහොම හරි මං මේ බ්ලොග් එක පටන් ගත්තේ "Thursday, December 24, 2009" කියන මෙන්න මෙදා ...

    ඉතිරි කොටස් බලාපොරොත්තු වන්න ... :D

    වැප්


    Tuesday, June 22, 2010

    ෆන් එකක් ගන්න Fishing Hut - ෆිෂින් හට් යමු

    ස්ථානය :- ෆිෂින් හට් - මස්කෙලිය
    කොළඹ සිට දුර යාමට හා ඒමට :- කි.මි . 358 ආසන්නව
    නැරඹිය හැකි දේ :-
    1. ෆිෂින් හට් අසල ස්භාවික සෞන්දර්යය
    2. ඇබඩීන් දිය ඇල්ල
    3. ලක්ෂපාන
    4. සප්ත කන්‍යා කඳු වැටිය
    ගනන් හිලව් :- එක් නිවසක් සඳහා රු 7000/- කි. එවැනි නිවස්න දෙකක් ඇත. [ මෙම ගනන් සීසන් ඕෆ් සීසන් මෙන්ම සති අන්ත, සතියේ දින අනුව වෙනස් වෙයි ]
    1. සීසන් 9000/-
    2. සති අන්ත 7000/-
    3. සතියේ දින 5250/-
    වෙන්කර ගනීම :- මස්කෙලිය ප්ලාන්ටේෂන් කොළඹ ප්‍රධාන කාර්යාලය- නාවින්න අපිකෝ ප්‍රදර්ෂණාගාරය අසල
    වැඩි දුර තොරතුරු :- http://sinhala.hotellanka.lk/21-181-651/fishing_hut.html
    වාහනය :- 4වීල් වාහනයක යාම දැඩි ලෙස අවධාරණය කරමු
    රැගෙන යා යතු දේ :-
    1. සීත කබා
    2. කූඩැල්ලන් සඳහා - ලුණු/ දෙහි හෝ වෙනත් සුදුසු දෙයක්
    3. ආහාර පාන
    ඔවුන් සපයන දේ :-
    1. ඇදන් හා කොට්ට
    2. පිඟන් කෝප්ප හා ගැස් උදුන්
    3. අවැසි ලාම්පු- [ විදුලි බලය නැත ]
    ජංගම දුරකතන :- එටිසලාට්

    මෙන්න පින්තූර ටිකක්


















    Sunday, June 13, 2010

    මටත් උපාධි පත්වීමක් හා ග්‍රාම සේවක හතරට කැඩිම

    මාතෘකාව දැක්ක ගමන් හිතන්න එපා ... මාත් ආණ්ඩුවේ ජොබ් එකකට ගියා කියලා. හැබැයි ඉතින් ආණ්ඩුවේ ජොබක් තියනවා නම් ආතල් එකේ ඉන්න තිබුණා. ආතල් කිව්වේ ෆුල් ෆන් එකේ හෙවත් එදා වේල ලෙව කාගෙන. වත්මන් තරුණ පරපුර ඒ කිව්වේ මං වගේ අය රජයේ රැකියා වලට එතරම් උනන්දුවක් නොදැක්වුවත් :D , ආණ්ඩුවේ රස්සාවක් ගන්න බලං ඉන්න කට්ටිය ගොඩයි. මේ අතර ඉහලින්ම ඉන්නේ නිදහස් අධ්‍යපනයෙන් උසස් අධ්‍යපනයේ වරම් හිමි කරගත් උපාධි ධාරියෝ හෙවත් උගත්තු ටික. මේ උගත්තු කිව්වාහම ඉතින් කවුරුත් දන්‍නවානේ අපේ විශ්ව විද්‍යාල අධ්‍යපන ක්‍රමය. ‍විශ්ව විද්‍යාල පාඨමලා කිහිපයක හා උසස් අධ්‍යපන අයාතන වන NDT, TTI[ මේකට කියන අලුත් නම නම් මට මතක නැහැ] හා HND හි ඉගෙන ගන්න, හෝ ගණිත අංශයෙන් උපෙළ කරපු ශිෂ්‍යයන්ට ප්‍රායෝගික පුහුණුව ලබා දුන්නත්. අනික් බොහෝ පාඨමලා පොතට පමණක් සීමා වෙනවා.

    උපාධි ධාරින් අපේක්ෂා කරන, රජයේ තියන ඉහළම විධායක ශ්‍රේණියේ රැකියව තමයි, පරිපාලන සේවා .... පහුගිය දවසක මේ සඳහා උපාධි ධාරින් 30000 ක් ඉල්ලුම් කලත් එහි බඳවා ගැනීම් සඳහා රජය මගින් පවත්වන විභාගය සඳහා පෙනී සිටියේ 15000 පමණි. මේවා මේ අතුරු කතා. කියන්න ඔනා උනේ ග්‍රාම සේවක කොහොමද හතරට කැඩුවේ කියලා.

    ලාංකාව වගේ දියුණුවෙමින්[ අපේ සීයා / අම්මා / මම මෙහෙම තමයි ඉස්කෝලෙදි ඉගෙන ගත්තේ දැන් යන උනුත් මේකම තමයි .... :D ] පවතින රටක රැකිය ප්‍රශ්නය උග්‍රයි කියලා තමයි අපිට ඉගැන්වුවේ... ඒක ඒ විදිහටම හරි කියලා හිතුනේ .. රස්සාවක් නැතුව කට්ට කකා ඉන්න දවස් වල. කට්ටියක් ස/පෙළ සාපයක් කරගෙන අධ්‍යපනය නතර කරන කොට, උ/පෙළ තරඟය ජය ගන්න බැරුව හැලෙන පිරිසත් අත හැරියාම වසරකට උපාධි ධාරියෝ 10000 ක් විතර රැකියා වෙළඳපලේ කරක් ගහනවා.

    නිදහස් අධ්‍යාපනයත් අරගෙන, නිල ඇඳුම හා ආහාර වේලත් නොමිලේම අරගෙන [ බනිස් ගෙඩිය /කිරි විදුරුව / රුපියල් 3 කාඩ් එක යන ඒවාට මම උරුම කම් කිව්වා.... දැන් ඉන්න, 00 දශකයේ උන්ට මේවා කොයින්ද? හිකිස් ], විශ්ව විද්‍යාලයට ගිහින් මහපොළ හෝ බර්සරියටත් උරුමකම් කියලා, සමහර විට විශ්ව විද්‍යාලයටත් කරන්න පුලුවන් ඔක්කොම අලාභ ටික කරලා, මෙන්න එලියට ඇවිත් රස්සා ඉල්ලනවා. සෙල්ලං වැඩක්ද ඡන්ද කොච්චරක්ද? උපාධි ධාරියාගේ මනාපේ විතරක් නෙමයි.‍ ගෙදර අ‍යගේ කතිරෙත් තියනවා. ‍ ඉතින් මොකෝ අපේ දේශපාලුවෝ වේදිකා දෙදරන්න කියනවා සියලු උපාධි ධාරින්ට රැකියා‍ දෙනවා කියලා.

    දීපු පොරොන්දු විශ්වාස කරන ජනතාවගේ මතින් බලයට එන දේශපාලුවෝ දැන් රැකියා හොයනවා මේ උපාධි ධාරිනට දෙන්න. මෙහෙම හොයන කොට හම්බවෙන්නේ ගමේ මනුස්සයා. ඒ කිව්වේ අපේ ග්‍රාම සේවක මහත්තයා. කිසි කරදයක් නැහැ ගමේ වැඩක් බලන් ඉන්න මේ මනුස්සයා තමයි, ඒ දවස් වල ගමේ සියලු වැඩ කලේ, ඒ කිව්වේ ගම සංවර්ධනය, කෘෂිකර්මයට අදලා දේවල් හා වෙනත් වෙනත් කටයුතු. දැන් මෙන්න මෙතන තමයි රැකියා උත්පාදනයට නියම තැන කියලා අපේ දේශපාලුවෝ නියමෙට අඳුන ගන්නවා. [ සමහර විට මේක NGO කාරයන්ගේ වැඩක්ද දන්නේ නැහැ :D ඉල්ලුමට සැපයුම කියලා කියන්නත් පුලුවන් ]

    දැන් උපාධී ධාරියෝ ඉන්නවා විසි තිස් දාහාක්, ග්‍රාම සේවක වසම් තියනවා ඔන තරම්. දැන් හරි මෙන්න හැදුවා අලුත් තනතුරක් "ජන සභා" නියම නම තත්වයක් තියනවා. උපාධි ධාරියාට නියමයි. පඩිය කොච්චරද රු 17000 ක් විතර ඇති. ග්‍රාම සේවකට ඉහළයි ප්‍රදේශීය ලේකම්ට සමයිලු. [තනතුරු දෙකේම ලේකම් කෑල්ල තියනවා :D ]දැන් ගමේ වැඩ කරන්න ඉන්නවා හතර දෙනෙක්
    1. ග්‍රාම සේවක
    2. වගා නිලධාරි
    3. සමෘර්ධි නිලධාරි
    4. ජනසභා ලේකම්
    මුලින්ම එක්කෙනෙක් කරපු වැඩේ දැන් හතරට බෙදලා හතර දෙනෙක් කරනවා. අහලා තියන විදිහට මේවාගේ බේදාගෙන කරන වැඩ වලට කියන්නේ, ශ්‍රම විභජනය කියලා. හැබැයි මේ ක්‍රමය භාවිතා කරන්නේ කාර්යක්ෂම තාවය වැඩි කරන්න එහෙම නැත්නම් ඵලදායීතාව වැඩි කරගන්න. ඒ අර්ථයෙන් ගත්තාහම මේ ක්‍රමය ගමට වඩාත් වාසී දායකයි. ඇයි දෙයියනේ ගමේ වැඩ කරන්න ගමේම ඉන්න උගතා එනවා. ඒ කිව්වේ අලුත් ජන සභා ලේකම් මහත්තයා.

    කොහොමද ජන සභා ලේකම් තෝරන්නේ... හරි ලේසියි.... උපාධියක් තියෙන්න ඔනා, ඡන්ද කාලෙට කැන්වසින් ගිහින් තියෙන්න ඔනා. කැන්වසින් ගිහින් තියන සුදුසුකම බලන්නේ ගම ගැන අවබෝධයක් තියනවාද කියලා බලන්ට මිසක් ඡන්ද වැඩට නෙමෙයි. :D කිසියම් ගමක කැන්වසින් ගොස් නැති උපාධි ධාරියෙක් මේ සඳහා ඉල්ලුම් කලොත් ඔහුට මේ රස්සාව ලැබෙන්නේ නැහැ, මොකද ඔහුට ගම ගැන අවබෝධයක් නැහැ. ඒ නිසා විදෙස් ආධාර පතලා අල්ලපු ගමේ කැන්වසින් ගිය උපාධී කාරයා ආනයනය කරනවා. වැරදියට තේරුම් ගන්න එපා මෙතන කිසිඳු දේශපාලනයක් නැහැ හරිද.

    ඔන්න ඔය ටික තමයි ග්‍රාම සේවක තනතුරට උනේ, බෙදුවා හතරට, හැදුවා අලුත් රස්සා, වැඩි කලා කාර්යක්ෂමතාවය, දියුණු කලා ඵලදායීතාවය, ප්‍රතිඵලය ලස්සන ගමක්.


    වැප්

    Friday, May 28, 2010

    සාම්ප්‍රදායික සීමාවකට කොටු වු සිංහල බ්ලොග් කරුවන්

    මෑත කාලයේ ඉතාම ජනප්‍රිය මාධ්‍ය දෙක වුයේ, රූපවාහිණිය හා ගුවන් විදුලියයි. නමුත් දැන් දැන් එය අභිමවමින් අන්ර්ජාලය හා කෙටි පණිවුඩ ඉදිරියට එමින් පවතියි. මෙහදී අන්තර්ජාලයට හිමි වන්නේ සුවිශේෂි තැනකි. මන්ද යත් නිදහස උපරිම හා රිසි සේ අවශ්‍යතාවයන් හා උවමනාවන් [ needs and wants ]සොය යා හැකි නිසාය. සීමා මායිම් නැති මෙහි තම තමුන්ට ඇවසි ලෙස තෝරා බේරගෙන හෝ කිසිඳු තෝරාගැනීමකින් තොරවද පහසුවෙන් එහා මෙහා යා හැක. පැවති සාම්ප්‍රදායික මාධ්‍යන්හි අඩුපාඩු හෝ දැඩි පාලනය නිසා නිදහස සොයන්නන් ජාලය දේසට ඇදී ආවේ තම සිතැඟි පරිදි හැසිරීමටයි. උක්ත කරුණට අදාලව, මේ ලිපිය ලියවෙනු ඇතිතේ, සිංහල බ්ලොග්කරණය යන්නට ලඝු කරමිනි.

    ඉකුත් නොවැම්බර් මස සිට බ්ලොග්කරණයට එක්වු මා එදා සිට අද දක්වා මෙතුල සිදුවු දෙය මගේ දැනුමේ හැටියට මෙසේ විග්‍රහ කරමි.

    1.පැවති මාධ්‍ය සම්ප්‍රදාය / Demand and Supply
    දැනට පවතින ජනප්‍රිය මාධ්‍ය දෙක වු ගුවන් විදුලිය හා රූපවාහිණිය තම මාධ්‍යයන් හසුරුවන්නේ කලින් කලට මිනිසුන් අතර බොහෝ ලෙස කතා බහ වන මාතෘකා ගැනයි. මෙයට හොඳම උදාහරණය වනුයේ දේශපාලනය , ගං වතුර, හා වෙනත් දෑයි. ‍මහජනයා ඉල්ලනේ මොනවද? එවාට වැඩි ඉඩ කඩ දෙමින් මාධ්‍ය හසුරුවයි. මෙහි ඇති හරි වැරුද්ද කීමට තරම් මා දක්ෂයෙකු නොවුත් මෙයමද සිදුවිය යන්න පිළිබඳව දෙවරක් සිතිය යුතුය. සමහර අවස්ථා වල කෘතිමව මාතෘකා ජනතාව අතරට ගෙන යයි. එයට එක් ප්‍රසිද්ධම උදාහරණය නම් මානුෂික මෙහෙයමු සමයේ රටම එක මාවතකට ගෙන යාමයි. කරුණු එසේ වුවත් මහජනායා පුරුදුව සිටින්නේ දෙන දෙය පමණක් නැරඹිමටය. මන්ද යත් මෙම මාධ්‍ය දෙකෙන් එයින් එහාට ගිය අලුත් තොරතුරක් හෝ විවධත්වයෙන් යුතු දෙයක් බලොපොරොත්තු විය නොහැකි නිසාය.

    මෙම කාරණවා සිංහල බ්ලොග් අවාකශ තුලද එසේම වෙන බව ඉතාම පැහැදිලි කාරණාවකි. කලින් කලට ජනප්‍රිය වන මාතෘකා ‍සම්බන්ද සිංහල බ්ලොග් කරුවන්ද තම ලිපි සම්පාදනය කරයි. උදාහරණ ලෙස දේශපාලනය, අකෝන් , ගඟට විසි කල බබා, ගං වතුර හා සෝමාවතිය පින්කම දැක්විය හැක. මෙහි ඇති අදහා ගත නොහැකි තත්වය නම් අලුත් දෙයක් ඉදිරි පත් නොකර, රැපවාහිණියේ හෝ ගුවන් විදුලියේ කියු දෙයක, වචන ටික එහා මෙහා කර තම ලිපියට එක් කීරිමයි. ඒ අනුව ගත් කල අදාල මාතෘකාවට ලිපි 10 ක් ලියවී ඇත්නම්, එම ලිපි 10 න් 8 ක් පමණම එක හා සමානව එකම දේ පවසා ඇත.අඩුම තරමින් එම සිද්ධිය පමණක් නොව විවේචනයද එක හා සමාන වීම තව තවත් පුදුමය උපදවයි. ඉදින් මෙපමණ නිදහසක් ඇති බ්ලොග් අවකාශය මෙහෙයවන්නේ රූපවාහිණිය හා ගුවන් විදුලිය බව ඉතාමත් කණගාටුවේන් හෝ ප්‍රකාශකල යුතුයි. මෙයිනුත් පෙනී යන්නේ නිදහසක් නැතැයි කියමින් සම්ප්‍රදායික් මාධ්‍ය ඉස්සරහා දොරෙන් පන්නා පසු පස දොරෙන් කාටත් හොරා ගෙට වද්දාගෙන ඇති හැසිරිම් රටවකි.


    2. ඉදිරි පිම්මක් / Breakthrough
    වෙනත් දේශිය චැනලයක කොපියක් හෝ විදෙස් රටක වැඩසටහනක් කොපියක් එලෙස ඉදිරිපත් කරනවා හැරෙන්න වෙන යමක් රූපවාහිණිය හෝ ගුවන් විදුලිය තුල දක්නට ඇත්නම් එය ඉතාම අල්පය. තවද එය එලෙසම අදේශ කරනවා විනා එයින් අලුත් යමක් කරන්නේද නැත. මෙය සිංහල බ්ලොග් අවකාශයටත් එසේම වෙයි. එක බ්ලොග් ලිපියක තිබුදෙයක් මත පිහිටමින් එයම ‍තවත් ලිපි කිහිපයකට එක් කරයි. කිසිඳු වෙනසක් හෝ අලුත් දෙයක් නැත. ලිපියක් ලිවිය යතු නිසාම මෙය කරනවා දැයි සැකයක් ඇති වෙයි.

    මෙහිදී විශේෂයෙන්ම සඳහන් කල යතු කරුණක් ඇත. එනම් කෙටි කතා, නිසදැස් හා කවි එක් කරන අතලොස්සක් වු ස්ව නිර්මාණ බ්ලොග් කරුවන් මෙයට අදාල නැත. ඔවුන්ගේ නිර්මාණ ඇගයීමකට ලක් වන්නේ ද නැත. මේ පිරිස වෙනම රොක් වු පිරිසක් බවට අද වන ‍විට පත්ව ඇතැයි සිතමි. බ්ලොග් අවකාශයේ නිදහස ඉල්ලමින්, කෑමොර දෙන පිරිසම සීමාවකට කොටු වී ඇත. අන් අය මත යැපෙන බව ඔවුන් නොදන්නේද? නැතිනම් දැන දැනත් නොදන්න ලෙස හැසිරෙනු ඇති දැයි ප්‍රශ්න කල යුතු තැනකි. මුලින් සඳහන් කල ස්වනිර්මාණ බිහි කරන්නන් හා අන් අය මත යැපෙන බ්ලොග් කරුවන් අතර බොහෝ දුරස් බවක් ඇත.

    අප අතර තිබු දෙයක් හෝ විදෙස් රටකින් ලබා ‍ගත් වටිනා දෙයක් ඒ අයුරුන්ම ඉදිරිපත්‍ නොකර ඊට වඩා වැඩියමක් එක් කර අන් අය අතර බෙදා ගැනීමට සිංහල බ්ලොග් කරුවන්ට කවදා නම් හැකි වෙයිද?තිබෙන දෙයකට අලුත් අගයක් දී නවමු අකාරයකට එක් කරන, ඉතාම සුලු සිංහල බ්ලොග් කරුවන් කිහිප දෙනකු ඇති බවද කිව යුතුමය. නමුත් අවාසනාව නම් ඔවුන් මහත් පරිශ්‍රමයක් යොදා අලුත් දෙයක් ඉදිරිපත් කලත්, එම ලිපිය පලවී සුලු මොහොතකන් එහි පැටව් හැම තැනම දුවමින් මුදුනා වීමට යයි. ලාංකාවේ දේම විව්චනය හෝ ආවැඩිම් නොකර විදෙස් රටවල තිබෙන තොරතුරුත් සිංහල කරණය වී අප අතර පැමිනේන්නේ නම් එය කොතරම් පාඨකයන්ට වටිනු ඇද්ද? මේම කාරණාව දකින්නට නැති තරම්ය. මෙයට හේතුව ලෙස දැක්විය හැක්කේ, නිදහස සොයා යන බ්ලොග් කරුවන් itn හා සිරසට පමණක් වහල්වී ඇති බැවයි.


    3. ජනප්‍රියත්වය හෝ වටිනාකම ‍Hits and Value
    සිංහල බ්ලොග්කරණය හා රූපවාහිණිය එක හා සමාන බව පෙන්වීමට ‍තවත් හොදම කරුණක් වන්නේ බ්ලොගයක ඇති වටිනාකම හා ජනප්‍රිය තාවයයි. [ වටිනාකම යනු ලියන කරුණු වල ඇති ‍ප්‍රයොජනවත් බවයි ] රූපවාහිණිය තුල සිරසට කොතරම් දෝශාරෝපණය කලත් එය මෙරට ජනතාව දිනපතා නරඹන චැනලයකි. එලෙසම සිංහල බ්ලොග් අවකාශය තුලත් වැඩම දෙනෙකු සොයා යන්නේ සිරස ගනයේ බ්ලොග් වෙතය. එම ඇදී යාම් නිසාම කිසිඳු වටිනා දෙයක් ඉදිරිපත් නොකරන බ්ලොග් තව තවත් එම පහත් ගනයේ ලිපිම ඉදිරිපත් කරයි. හරියට විද්‍යුත් නාලිකා වල යන මෙගා ටෙලි වගේය. ෙමය අදාර්ශයට ගන්නා තවත් බ්ලොග් කරුවෙක් කරනුයේ එම ගනයෙම ලිපි ලියන අඩවියක් අලුතින් ආරම්භ කිරිම හෝ තිබුණු අඩවිය ජනප්‍රිය බ්ලොගයක් බවට පත් කිරිමට තැත් කීරිමයි. හරියට itn සිරස වුවා හා සමානයි.


    සිංහල බ්ලොග්කරණය සීමවකට කොටු වී ඇති බවත් එය අනුගමනය කරනුයේ රැපවාහණි නාලිකා බවටත් පෙන්විමට තව කරුණු ඇතත් මුලීකවම පෙනී යන්නේ ඉහත කරුණු තුනයි. විවධත්වයක් හොයා යෑමට උත්සාහ කල යුතු සිංහල බ්ලොග් කරණය තවමත් ඒකාකාරි මාවතක ගමන් කරයි. නිදහස හා රැඩිකල් යයි කියමින් උදම් අනන බ්ලොග් කරුවන්ගේ මතය පමණක් ප්‍රසිද්ධ වී ඇත. නිහඬව තම කාර්යය කරන නියම හැකියාවෙන් යුතු බ්ලොග් කරුවන් හු‍දකලාවේම තම කර්යය දිගට ඇද ගෙනයයි. ඔවුන් වටා දැනට එක් වී ඇති පාඨක පිරිස අඩු වුවත් නුදුරේදීම ඔවුන් වටා බොහෝ පාඨක පිරිසක් රොක් වනු ඇත. මන්ද ඒකාකාරී වු ජනප්‍රිය බ්ලොග් කරුවන්ට නුදුරේදීම ඔවුන්ගේ ලිපි වලට එක්කල හැකි දෙයක් නැතිව යනු ඇත. එදිනට ඔවුන්ට සිදුවන්නේද ස්ව නිර්මණ හෝ අලුත් දේ ඉදිරිපත් කිරිම පමණි.


    තාක්ෂණික ලිපි ලියන බ්ලොග් කරුවන් කරනුයේ ඉතාම අගනා කර්යයකි. නමුත් එයට සිදුවන්නේද ලියා සුලු මොහොතකන් ක්ලොරිනිකරණය විමයි. තවද තම පුද්ගලික අද්දැකීම් හා වෙනස් ආරක ලිපි එක් කරණ කිහිප දෙනකු ඇති බවත් ඔවුන් කරන කර්යයද ඇගයීමකට ලක්විය යුතුමය.

    නිදහස සොයන පිරිසට ඉක්මනින්ම සාම්ප්‍රදායික සීමාවෙන් එපිට බැලීමට හැකිවේවා !!!!!!!!!!!!!

    වැප්

    Wednesday, May 26, 2010

    ආදරයෙන් තවත් කොටසක්

    අකුරු කරන්නට හිමි නැති සරසවියේ
    හමු වු දින මතකද මගේ සොඳුරේ
    නුදුරුව පියවර මැන හනිකට ගිය දින
    හොරැහින් බැලුවද මගේ කෙල්ලේ


    හැම විට මග හැර වෙනතක නෙත ගෙන
    රිදවා මගහැරයන්නද ඔබ තැනුවේ
    මතකද නැවතත් දුටු දින සරසවියේ
    හොරැහින් බැලුවා ඔබ දෙස සුදු කෙල්ලේ


    කීමට ඇතිමුත් ආදර දොඩමලු
    කීවේද අප හමු වු දිනයේ
    නොදැනී නොකීයා පෙම් ලොව බැඳුනේ
    හොරැහින් නොබලා නෙත ගෙන සොඳුරේ


    එදා නොකීදේ ලොවට ඇසෙන්නට
    කීමට වෙර නැති අද දිනයේ
    හමුවෙමු පෙම්බස් කීමට මතු දිවියේ
    ‍‍තරහින් නොබලා වෙන් වෙමු සොඳුරේ

    වැප්

    Sunday, May 23, 2010

    ආදරයෙන් කොටසක්

    නිල් අහසේ වැතිරෙන්න
    සත් සමුදුරු කිමිදෙන්න
    ඉඩ දෙන්න ඈ කැමතිද?

    මහපොළවේ ඇවිදින්න
    වන අරණේ සුව ගන්න
    ඉඩ දෙන්න ඈ කැමතිද?

    දිය ඇල්ලේ සැනසෙන්න
    තද අව්වේ නැහැවෙන්න
    ඉඩ දෙන්න ඈ කැමතිද?

    මට ඇය අත ගන්න
    ඇය ඔහු අත ගන්න
    ඉඩ දෙන්න මා කැමතිද?

    අදාරෙන් එක්වන්න
    විරහවෙන් වෙන්වන්න
    අප හිත් ඉඩ දෙයිද?

    හේතුවට එක්වෙලා
    අහේතුවට වෙන්වෙලා
    ඇයත් මාත් වෙනතක් බලාගනිද?

    අරුමයක් මේ ලොව
    කරුමයක් පල දීලා
    සසර තුල අප නැවත හමුවේද?

    වැප්

    කමෙන්ට් දාන්න බැහැ .......... අද සිට මා එය ඉවත් කරන ලදී, අවැසි වෙතතොත් පමණක් අවස්තානුකූලව එය විවෘර්ත වනු ඇත. ඔබ සතුටු මෙන්ම දුක්වනු ඇත. හිකිස් ........... .ගුගල් බස් එකේ තමයි මං දැන් ගොඩක් වෙලාවට ඉන්නේ .... ‍:W කැමති අය ඒ අහ එන්න .........

    Thursday, May 13, 2010

    කවි මඩුව අදයි ආරාධනය ඔබටයි

    ආරාධනාවයි
    ලාංකීය සිතුවිලි මෙහෙයවන, ලාංකීය ඉතිහාසයේ ප්‍රථම වරට සංවිධානය කරනු ලැබූ
    අන්තර්ජාල කවි මඩුව උද උදෑසන 8.30 ට
    චිරගත සම්ප්‍රදායට මුල් තැන දෙමින්
    පොල්තෙල් පහන දැල්වීමෙන්
    අරම්භකෙරේ

    එම සුබ කටයුත්තට පහන් සිලක් දැල්විමට ඔබට කෙරෙන
    සුහද ආරාධනයයි මේ

    විශේෂ දැනුම් දීම්
    1. හෙට උදැසන 8.30 සිට කවිමඩුව විවෘතව පවතියි
    2. කවිමඩුව සඳහා firefox හෝ crome බ්‍රව්සර් යොදාගන්නේ නම් මැනවි
    3. මුල් කටයුත්ත පොල්තෙල් පහන දැල්වීමයි
    4. ඉන් අනතුරුව දිනකට එක් මතෘකාවක් හෝ දෙකක් බැගින් අවස්තානුකූලව මාතෘකා සපයනු ඇත
    5. මඩුව පැවැත්වෙන ස්තානය http://kavimaduwa.lankeeya.lk/


    උපුටා ගැනීම http://lankeeyasithuwili.blogspot.com/2010/05/blog-post_12.html අඩවියෙනි

    Saturday, May 1, 2010

    ලියමුද කවි

    මුලින්ම කියන්න උවමානම දේ තමයි මං මේවා ලියන්නේ, වෙන එවුන්ට බලලා ආතල් ගන්න නෙමෙයි. මට ආතල් ගන්න ... එ හන්දා කරුනා කරලා විශේෂයෙන්ම අපේ දොඩං ගොඩ මහත්තයට තමයි මේ අනතුරු ඇඟවීම. එයාට ආතල්ලු මං ලියන එව්වා..... මේ කරන අවසාන දැනුම් දිම හරිද දොඩං ගොඩ මහත්තයෝ ........ ........ :P හිකිස්

    තැනක් ඇත කවි ලියන්න
    එකෙක් නැත මං දන්න
    එහෙව් තැන මගේ තැන
    අන්න තැන උබේ තැන

    මං එතන කවි ලිව්වා
    තව එවුන් තව ලිව්වා
    මගේ කවි වැකි කිව්වා
    උන්ගේ කවි මරු කිව්වා

    වැකි උනත් මගේ කවි
    මට වටී මගේ කවි
    මං ලිව්වා මගේ කවි
    උන් බැලුවේ මගේ කවී

    මං බැලුවා වෙන කවි
    එව්වා නම් මරු කවි
    මගේ කවි වැකි කවි
    වලට සම වෙන කවි
    ලොට් පිටින් ඇත කවි

    ඔබත් කවි ලියන්න කැමති නම් හා මට වගේ අති දක්ෂ හැකියවාක් ඇත්නම් එක්වන්න ලාංකීය සිතුවිලි කවි මඩුව සමඟ

    වැප්

    Saturday, April 17, 2010

    ජංජාලයක් වු ජාල ජීවිතය හෙවත් ජජාජී

    හම් පටන් ගන්නේ රහස් පදය ගහලා
    මුලින්ම ගොඩ වෙන්නේ ගුගල් වලට
    ඔය අතරේ එන යාවත්කාලීනයන් ඔක්කොම එහෙන් මෙහෙන් බලලා වහලා දානවා
    ඊට පස්සේ මෙන්න කෙලින්ම ගොඩ වෙනවා ජීමෙයිල් වලට
    අප්පට සිරි මෙන්න මෙයිල් සෙට් එකක්
    මේන් දැන් අලුතෙන් බසුත් ඇවිත්
    මුහුණු පොතේ ඔපා දූප ටිකත් ඔක්කොම මේක අස්සේ
    ඇයි රාජකාලි ලියුම් ටික
    අද කරන වැඩ ටික වෙලාවත් එක්කම ලොක්කා එවලා
    මුලීකත්වය දෙන්න ඔනා රාජකාරියට
    නැත්නම් මසේ අන්තිම පඩියක් දෙන්න පුලුවන්ද?
    මෙයිල් එවන, බස් එවන, ඔපා දුප එවන කාටවත්?
    අල්ලපු එකත් එකක් කතා කර‍න්නේ කච කචෙන්
    හිනාවා තමයි තිත් දෙකයි ඩී අකුරයි
    නැතන්ම් ප්‍රතිශතය දාපු ලොල්
    වෙලාවකට පාරෙදි කාව හරි දැක්කාහමත් ලොල් කියන්න හිතනෙවා [උබට නම් ලොල්ලා කියන්න හිතෙනවා හිකිස් LOL 1500%]
    ඒ තරමට හිනාවත් කම්මැලි වෙලා
    ඇයි සමහර වචන
    ශබ්ද කරන්න වෙනම ගේමක් දෙන්න ඔනා
    එකත් හරි දැන් කට තියෙන්නේ අතේ නේ ......
    ගෙදර කොම්පියු‍ටරේ තියලා තියන මේසේ
    හරියට ගුගල් වල "ලංකාව" ගැන හෙව්වා වගේ
    ඒ මදිවට පරණ සීඩි එකක් හෙයන්න ඔනා නම්
    ලෙසීයෙන්ම යොදාගන්න වෙලා තියෙන්නේ
    උපකල්පිත ගුගල් සෙවුමක් ..... [ මෙතනට :D ඒකහරි නැහැ lol 52.05% ]
    ආ අමතක උනා
    සිංහල බ්ලොග්
    මේකටත් දැන් වැඩි කාලයක් ගන්නවා
    කියවන එකනම් කරනවා එත් දැන් ටිකක් විතර
    අඩු වෙලාද කියලත් හිතෙනවා
    අඩුම ගනේ වචන දෙකක්වත් කෙමන්ට් දාන්න ඔනා
    හැබැයි ඉතින් නොදා ඉන්නවමත් නෙමෙයි
    ටිකක් විතර කම්මැලිනම්
    නලේ පැත්තේ ගිහින්
    සිංහල විහිලු ටිකක් හොයලා
    බලනවා
    එක අතකට විහිලු හොයන්න දේකුත් නැහැ
    අටේ ප්‍රවෘත්ති තියනවානේ
    ඔහෙම ගිහින් ගිහින්
    රත්‍රි 10.30 උනාහම
    එයා අඬනවා
    බනිනවා
    කෑ ගහනවා
    අද මු මා ලඟට එන්නේ නැහැ කිය කිය
    එයාව තරහ කරගෙනත් බැහැ
    දුකට සැපට
    ලෙඩට දුකට
    ඉන්න කෙනා හින්දා
    කොහෙම හරි එකොලහට කලින් එයාගේ තුරුලට යනවා [ ලොල් 4999%]
    එයත් එක වෙලාවකට එපා වෙනවා
    මොකද උදේ 5.30 වෙන කොට
    මාව ඇහුරෝලා
    පයින් ඇනලා බිමට දානවා
    පල දැන් වැඩට කියලා
    උබට එපා නම් මටත්
    මොකද කියලා, එ‍යාගේ ......
    ඇකලිච්ච අඳ රෙදියි
    පෙරලිච්ච කොට්ටයි
    හා ආරක්ෂාවට දාපු දැලයි
    එහෙන්මම තියලා මං නැගිටලා යනවා
    නැහැ නැහැ
    පස්සේ දුක හිතිලා
    ආයිත් ඇවත් එයාව සනසලා යනවා - [ මේ කිව්වේ ඇඳ ගැන හරිද ලොල් 10 යේ 100 වෙනි බලය %]
    ජජාජී

    වැප්

    Saturday, April 10, 2010

    ටැබූ සබ්ජෙක්ට් - බෞද්ධායට අපහාස - NGO කලාව

    [ඔහු මේම නින්දිත විවේචන ලිපි ලියනේනේ බෞද්ධයට පමණක්ම නොව නමුත්, මෙහෙදි මා කතා කරන්නේ බුදු දහම පැත්තේන් පමණි]
    දඹදිව උපත ලද හා ලොවට ශ්‍රේෂ්ට මෙන්ම ඉතා ප්‍රයෝගික දහමක් පහදා දුන් බුදරුරජානණ් වහන්සේට, ගෞතම යන කෙටි නමින් හඳුන්වා දීමට තරම් තම මනස මෙහෙයවිය හැකි මේ අපුරු බ්ලොග් ලියන්නා, ඔහුටම අනුව බෞද්ධයෙකු නොවන බව පවසා සිටියි. කෙසේ වෙතත් අද බුදුරදුන් හිටියා නම් මෙම අමාන්ත්‍රණයට උපේක්ෂාවෙන් අසා සිටිනු ඇත. වසර 2010 ගෙවා දමන මේ යුගයේ මානව ශිෂ්ඨාචාරයේ අති දියූණු යයි සම්මතය. එහෙත් එම දියුණුව තුල අවම ස්වයං විනයක් පවත්වානොගැනීම හෝ තමාට අදාල නැති දෙයක් අපහාස වන අන්දමෙන් විවේචනය කිරිම කොතෙකු දුරට ඔය කියන්නා පරිදිම මානුෂික වන්නේද?

    කතා කලොත් [පරණ ලිපි වල ඇති රචනයන් අධ්‍යනයෙනි] මුලු අමාෂයම පිරෙන්ට මානුෂිකත්වය කඩා ඉහිරෙයි එහෙත් කරන වැඩ කාට හෝ පල ප්‍රයෝජනයක් නැති අපහාසයකි, උපහාසයකි, විවේචනයකි. රටට කඩා වැදි මෙවන් NGO මාෆියවේ උතුරා යන ප්‍රේමය ප්‍රකාශ කරිම් පටු කොට ඇත්තේ තවත් එවන් බෞද්ධයාට අපහාස කරන්නෙකුට හැර වෙන කා හටද?. එකෙකු මියයවන්න උත්සාහ කිරිමත් තව එකකු වෙනුවෙන් වටරවුමක බොඩ් කැල්ලක් ඉසිමට අමතක නොකර මේ NGO නඩය මෙතරම් බෞද්ධයා හා විරුද්ධ වන්නේ මන්ද? ලිවිම් නිදහස නැතැයි කියමින්, වල් බූරු නිදහසේ ගැඹුරටම පිහිනා යන මෙවුන් දිය බුං ගහන්නේ බෞද්ධයාගේ හා එම සංස්කෘතියේ ඇති අඩුපාඩු කම් විවේචනය කිරිමෙනි. විවේචනය හා විවධ වු අදහස් මතින් හොඳදේ ඔප වි සමාජ ගත වීම අත්‍යවශ්‍ය කරුණක් වුවත්, බුදරජානණ වහන්සේගේ ලිංගය පිහිටි ස්තනයෙන් අපේ සමාජයට හෝ සමාජ ප්‍රතිශෝධනයට උත්පේරකයක් වන්නේද? හුදු අපහාසයම තම මාතෘකාව කොට ගනිමින්, ඉපැරණි පුස්කොළ හා පොත් පත් පෙරලමින් මේ සොයන්නට උත්සුකවන්නේ නිවනට මාර්ගය හෝ දුකින් මිදිමේ මාවතද? අවයව, පොතේ සඳහන් පරදි අනුරුවකට ගෙන ගොරිලෙකුට සමාන කිරිමට තම නැණැස මෙහෙය වන මොහුට, තේරුම් ගැනීමට නොහැකි කරුන බවට පත්ව ඇත්තේ සියල්ල වෙනස් වෙනවා යන්නයි. එනම් එම පොත් පත් හෝ පුස්කොළ පොත් වල, චරිකයකට හෝ වර්ණනාවකට, වැඩි අගයක් දිමට යම් අතින් දැමු කොටසක් ඉදිරිපත් කරන බව මොහුට අමතකය. නමුත් මොහු එම කර්තවයය එදාට වඩා හොදින් අද සිදු කරයි.

    වටිනා ලිපි හෙවත් සමාජය‍ වෙනුවේන් ලිපි කිහිපයක් පල කර බෞද්ධායට හා සංස්කෘතිය අපහාස වන ලිපියක්ද අතර තුර රිංගා දමන්නේ කාගේ උවමනාවක්ද? සත්‍ය අරමුණ අපේ සංස්කෘතියට අපහාස කිරිමේන්, ලිපියට වැඩි අවදානයක් ගැනිමද? නැතිනම් මුදලට වහල් වි ඉල්ලක ගත සමාජ අපහාසයක්ද? සමාජයක හෝ සංස්කෘතියක වැරදි හා අසම්මත දේ ඇත. එයයි සමාජය හා විවිධත්වය. නමුත් මේ මහා හසල දැනුමක් ඇත්තවුන්ට එය වැට හෙන්නේ නැත. එම විවධත්වය යොදාගෙන හා විවදත්වයේ නාමයෙන් මෙසේ සමාජ සංස්ථා හෝ ‍ඉතිහසය තුල ශ්‍රේෂ්ට යයි සම්මත පුද්ගලයන්ට අපහාස කල හැකිද?

    සත්‍ය ලෙසම සමාජ ශොධනයකට ලිපි ලියන්නේ නම්, හා ඒ අතර තුර බුදුරජාණන් වහන්සේගේ අවයවය පිහිටි තැන සෙවිම යනු. දොවාගත් කිරි කලයට ගොම බින්දවක් දමා ගැනීම වැනිය.

    වැප්

    හික්කඩුව Sailors' Bay - Hikkaduwa - කොරෝනා

       කොවිඩ් ඇවිත් අවුරුද්දකටත් වැඩියි. ට්‍රිප් නොගිහින් අවුරුදු දෙකකටත් වැඩියි. ඔක්කොමත් හරි බ්ලොග් ඒකට පෝසට් ඒකක් අන්තිමට දාලා තියෙන්නේ 2019....