Monday, October 24, 2016

Great Western - ග්‍රේට් වෙස්ටර්න්

බතලේ ගල, බැරැන්ඩි රොක්, කඳු මුදුනට ගොස් ඇත. එතරම් දුෂ්කර නැතිව ග්‍රේට් වෙස්ටර්න් තරණය කළෙමු. එයට ප්‍රධාන හේතුව නම් වැසි රහිත කාලයක් වූ පසු ගිය සෙනසුරාදා දිනය( 2016/10/21 -22) ඒ සඳහා යොදාගත් බැවිනි. අපේ පුද්ගලික වාහන වල නොගොස් දුම්රියෙන් ග්‍රේට් වෙස්ටර්න් වලට ‍යාම මුලින් තිරණය වි තිබුණි. නමුත් අවසාන මොහොතේ දුම්රිය ප්‍රවේශපත් ලබා ගත නොහැකි වූ නිසා නැවත පුද්ගලික වාහන වල යාමට තීරණය කල තිබුණද, ඒ වන විටත් මගේ වාහනය හදිසි  අනතුරකින් ඇතිවූ හානියක් පූර්ණය කරගැනිම සඳහා සේවා ස්තානයට දමා තිබුණි. එය ලබා ගැනිමට සති දෙකක් වත් යනු ඇත. ඒ තරම් එම ආයතනය කාර්යක්ෂමය. එලෙසම නිශ් මහතාගේ වාහනයත් හදිසි අලුත් වැඩියාවකට සේවා සපයන ආයතනයකට දමා තිබුණු නිස, දුම්රියෙන් යෑම නැවතත් ස්තීර විය. හදිසියේම දුම්රිය වෙන්කරවා ගැනිමට නොහැකි නිසා එක්වරම මතකයට නැගුනේ, සුප්‍රසිද්ධ සංචාරක අයාතනයක(මා කලින් රැකියාව කල ස්ථානයේ  PEAK COLOMBO) වැඩ කරන  කෝසල (kosala.abeyratna) මහතායි. ඉක්මන් ප්‍රතිචාර දැක්වූ ඔහු ගමනට අවශ්‍ය සියලු විස්තර හා දුම්රියේ තත්වය විස්තර කර ‍ දීම පිළීබඳුව ඔහුට කෘතගුන වෙමි. ඒ අතර තුර සත් ගුණවත් රවිඳු මහතා දෙවන පන්තියේ දුම්රිය ප්‍රවේශ පත් වෙන්කරගැනිමට  සමත් වී තිබුණී. 

මෙවර චාරිකා සටහන
දිනය :- 2016/10/21-22 
ස්ථානය :-  Great Western - ග්‍රේට් වෙස්ටර්න්
කොළඹ සිට දුර යාමට හා ඒමට :- ආසන්ව කිමි 200(කොළඹ->ග්‍රේට් වෙස්ටර්න් )
නැරඹිය හැකි දේ :-  Great Western - ග්‍රේට් වෙස්ටර්න්, දහවල් 12.20 ට පමණ ඔබ කඳු මුදනේ සිටියහෝත්,දුම්රිය දෙකක් මාරුවන ආකාරය
ගනං හිලව් :- උදෑසන ආහාරය රු සියක්ටද දිවා. රාත්‍රි ආහාර වෙලක් සදහා රුපියල් 130ක් ද බැගින් වෙයි



තවමත් සතිඅන්තයක කණ්ඩායම් එකක් හෝ දෙකක් එන ස්ථානයකි. එහෙයින් මෙම ස්ථානය තවම අපවිත්‍ර වී හෝ සංචාරක වෙලඳුන්ගේ කූට ග්‍රහණයට ලක්වී නොමැත. එසේ නොවේවායිද එකසිතින් පතමි. එම ගමෙහි ජීවත් වන මෝගන් මහතා හා තවත් එක් අයෙකු පමණක් ඒ පිළිබඳව උනන්දුවක් දක්වයි. ඒ හැරෙන්නට කොළඹීන් ගිය පුද්ගලයන්ට/පිටස්තරයෙකුට එය නතු වී නොමැත.  මේ සමග අතුරුකතාවක් ලිවිමට වඩා වැඩදායි යැයි සිතේ, මීට වර්ශගනාවකට පෙර අප මෙලෙසමට මීමුරේට ගියෙමු. ඒ කාලයේදි මිමුරේ යනු, සංචාරක වෙළදුන්ගේ උගු ග්‍රහණයට ලක් නොවූ ගම්මානයකි. නවරත්න නම් වූ එම ගමෙහිම පුද්ගලයෙකු පමණක් සංචාරකයන්ට සේවා සැපයුයේය. නවාතැනට රුපියල් 2000කුත්, උයාපිහාදීම වෙනුවනේ තවත් පන්සීයකුත් පමණක් වූ එම වියදම අද වන විට එක් අයෙකුට රුපියල් 5000ක් වූ තරමටම වානිජකරණය කර ඇත. ඒ සිදුවූ දෙය මෝගන්ට හෝ එම ගම්වැසියන්ට හෝ ග්‍රේට් වෙස්ටර්න් ට නොවේවායි එක සිතින් පතමි. 

අප සංචාරයකට යන්නේ නම් එහි යාමෙන් සිදුවන සියලු අවාසි එම ස්ථානයට හෝ ගම්වැසියන්ට සිදුවන්නා සේම. එහි වාසියද ඔුවන්ට අත්කර දීමට හැකි පමණ උත්සුක වෙමු. එසේ නොවුන හොත් එම ස්ථානය උග්‍ර වානිජකරණය වී, ඒකාදිකාරයකට ලක් වනු ඇත. අද වන විට මී මුරේ, ජගල් බිච් හා තවත් බොහෝ ස්ථාන මෙලෙස සංචාරක කාක්කන්ගේ මූල්‍ය උත්පාදන ස්ථාන වී හමාරය.

රාත්‍රි 8 බදුල්ල බලා යන දුම්රියෙන් සිකුරාදා රාත්‍රියෙහි දුම්රියට ගොඩ වී පසු දින උදෑසන 4 ට පමණ ග්‍රේට් වෙස්ටර්න් දුම්රිය පළට ලඟා විය. දැඩි සීතලක් සහිත වූ ඒ උදෑසන දුම්රිය ස්තානයෙන් බසින් විට තවත් කණ්ඩායමක් ග්‍රේට් වෙස්ටර්න් තරණයට එම දුම්රියෙන්ම පැමිණ තිබුණි. මෙලෙස අප කණ්ඩායම් දෙකම මෝගන් මහතාගේ නිවස බල ගියෙමු.  කෙටි නින්දක් ලැබ උදෑසන 8ට පමණ ගමන ආරම්භකිරිමට සැරසෙන විටත්,උදෑසන ආහාරය හා දිවා ආහාරය පාර්සල් කර තිබුණි. නමුත් රොටි සමඟ ලුනුමිරිස් හා පරිප්පු වූ උදෑසන වේල , මෝගන් මහතා ගේ ගෙදර සිටිම බුක්ති විඳ සැනෙකින් අවසන් කර දැමුවෙමු. එහි ප්‍රතිපල කන්ද නැගිීමට පටන් ගත් අවස්ථාවේදීම අයෙකුට බලවත් පීඩා ගෙනදුන්නේ ඉස්මුරැත්තාවක් ඇතිවීමෙනි.


වර්ෂාව රහිත දිනක් වූයෙන් කූඩැල්ලන්ගෙන් හා ලිස්සීමෙන් හානි‍ ඇති නොවූවද,අංශක 80වේ පමණ කඳු කොටස් තරණය ඉතා අපහසු විය. නමුත් මෝගන් මහතා හා ඔහුගේ සහායකයා අප සමඟ සිටි බැවින් ඒ ගැන එතරම් තැකිය යුතු නොවිණි. ගමන් කළ යුතු මාර්ග හොඳින් පැදී ඇති හෙයින් මුදුනට යන මාවත ඉතා පැහැදිලිය. නමුත් ගමේ අයකු ගමනට සම්බන්ධ කරගැනිමට වඩා යෝග්‍යය. එයට එතරම් මුදලක් වැය නොවනුු ඇත(උපරිම රුපියල් 2000 කි) එය සාධාරණ මුදලක් යයි මට සිතේ.

තවත් අතුරු කතාවාක් ලියනු රිසියෙමි. මෝගන් මහතාගේ පියා එවකට දුම්රිය දෙපාර්තමේන්තුවේ ග්‍රේට් වෙස්ටර්න් දුම්රිය පලට අනුයුක්තව සේවය කර ඇත. එකල කොටි තස්ත්‍රවාදි සමයක් වන අතර, දුම්රිය පිල්ලක් මත තිබුණු ක්ලේමෝ බොම්බයක් සොයා දිමෙන් නිහඩ විරුවෙකු වී සහතිකපත්‍රයක්ද ලබා ඇත. නමුත් එයින් එහාට ගොස් ඔහුට කිසිම මුදල්මය හෝ වෙනයම් ආධාරයක් කර නැත. අවම වශයෙන් කරනු ලැබූ දෙයට නිසි ඇගයීමක් වත් සිදුව නැත. මේ සිද්ධිය සිදු වී ඇත්තේ වර්ෂ 2000 දී පමණය



පින්තූර ඉස්සසුවේ තිසර, අමිල, රවිඳු හා පුබුදු ගෙනි!


නැගිය යුතු කන්ද
කන්ද පාමුළ

උඩට කන්ද පේන විදිහ - පින්තූර අයිතිය පුබුදු
පහළ පෙනෙන අයුරු - පින්තූර අයිතිය රවිඳු



දුම්රිය දෙක මාරුවන අවස්ථාව - පින්තූරය අයිතිය තිසර


මං තුමා - පින්තූරය අයිතිය අමිල

Sunday, September 25, 2016

තමිළිනි දුටු යුද්ධය

උපුටාගැනිම
ආයුධ බිම තබා යටත් ‍වන මෙන් ලංකා ජනාධිපති කොටි සංවිධානයට විවෘත දැනුම්දීමක් කළේය (පිටුව 191)

"ලංකා රජයේ ජනාධිපතිතුමා විසින් සියලුම ජනතාව පිළීගන්නා බවත් දිර්ඝ කාලිීන යුද්ධයකින් පසුව ජනතාව මුදා ගෙන අති බවත් මින් මතුවට කිසිම කරුණකට බියපත් විය යුතු නැති බවත්.......... (පිටුව 214) "

උපුටා ගැනිම අවසන්

මේජර් ජෙනරල් කමල් ගුණරත්න මහතාගේ  රණමඟ ඔස්සේ නන්දිකඩාල් පොතට පෙර  තමිළිනී මහත්මියගේ තියුණු අසිපත කියවීමට දැඩි උවමානවක් තිබුණි. උක්තයෙන් සඳහන් කර ඇත්තේ එහි එක් තැනක සටහන්ව තිබු අපූරු ජේදයකි.  කැරලී ගැසු ජවිපයට අත්වූ ඉරණමට වඩා සාධාරණිය ඉරණමක් කොටි ත්‍රස්තයනට උරුම වි ඇත. එනයින් ගත් කල කොටියා දෙමලා වූ නිසාම සිදුවූ අසාධාරනයක් නැත.

යුද්ධය ඇතිවීම
උපුටාගැනිම
1986 වසර විය හැකි යයි මට සිතේ, යම් කිසි සංවිධානයක් විසින් කිලිනොච්චි හමුදා කඳවුටරට ප්‍රහාරයක් එල්ල කරනලදී (පිටුව 53)
උපුටා ගැනිම අවසන්

චන්ද්‍රිකාගේ සුදු නෙලුම/තවලම
ජය ගත නොහැකි යුද්ධයක්, කොටි ත්‍රස්තයන් ශ්‍රි ලංකා ත්‍රිවිධ හමුදාවට වඩා ශක්තිමත්, ත්‍රස්තවාදය සමඟ සාකච්චා කලයුතුයි, යනාදි වශයෙන් දීන වූ අදහසක්ද කුණේ ජන මනස තුල ගොඩ නැගිමට උත්සාහ දැරුවත්, කොටි ත්‍රස්තයන් සෑම විටම අහිමවිමෙන් නැතිකමින් පිරුණු බව මෙම පොතෙහි මොනවට පිළිබිඹු කරයි. සිදුවි ඇත්තේ අපේ හිටපු නායකයින් ‍බලයට ඇතිආශාව නිසා යුද්දධය ඇදෙගන යාම සඳහා සාමසාක්ඡ්චා පැවැත්වීමයි

උපුටාගැනිම
"සටන්කාමියෝ හා සේනාධිපතිවරු මූල්‍ය අර්බුදය ගැන පැහැදිලි කලෝය. සටන් කාමින් සඳහා දෙන දෛනික ආහාර, ඇඳුම් උපයෝගි භාණ්ඩ අාදියට මසකට කෝටිගනනක් වියදම් වේ ...
සටන්කාමීන්ට  හරිහමන් විදිහට කෑම ටිකවත් දීගත නොහැක (පිටවු 14)"
උපුටා ගැනිම අවසන්

බලෙන් පැටවූ යුද්ධය
එක් පුද්ගලයෙකුගේ සිහිනයක් සැබෑකිරිමට සමාජයක සිතුම් පැතුම් ආශෘවන් සියල්ල් බිලි දී තිබුණි. ජවිපේද කොටිද ජනතාවට තුවක්කුවකට යට කර දැමූ බව පහත උපුටා ගැනීම් සාක්ෂී දරයි

උපුටාගැනීම
ශාකා බෙදුනු අං තට්ටුවලින් යුතු වූ සුන්දරත්වය සහ ශාන්ත බවින් පිරුණු  තිත් මුවන්ගේ දර්ශණයයෙන් අපි සියලු දෙනාම වශීකෘතව උන්නෙමු. උන්ට බාදාවක් නොවන පරිදි අපි අපේගේ පුහුණු  විම් මද වේලාවකට නවතා දමා එම දර්ශනය නැරුඹුවෙමු.... එකෙකුට හරි වෙඩි තිබ්බා නම් මස් ටික කන්න තිබ්බා, ඔයාලට ඉතිං හැම තිස්සේම කෑම කෑම යයි පවසින් වාදයකට පැටලුනි (පිටුව 19)

වසර ගණනාවක් දිග්ගැස්සුණ යුද්ධයේදි එම කැලෑවලටම වී වාසය කළ ඔවුන් කැලෑ ගස්වල තමන් ප්‍රිය කරන අයගේ නම්ලියා, ඇස්වල පූදින සෙනෙහස නිහඩ ආදරයෙන් තම හදවත් තුලම නිදන්.... (පිටුව 27)

ජනතාවගෙන් සුලු කොටසක් කැමැත්තෙන් යුතුව පුහුණුව ලබා ...... බහුතරය නොවැළැක්විය හැකි නිසාම කැමැත්තෙන් කටයුතුකරන බවක් අඟවා (පිටුව 30)

ජනතාව වෙනුවෙන් වන විමුක්ති අරගලය මෙවැනි විනාශයක් ජනතාවට ඇති කරන්නේ ඇයි? යන පැනය හදවතේ අති වුවත් එම පැනය සිත් තුළට රැගෙන යා නෙැහකි පරිදි විමුක්ති කොටි සියල්ලම පාලනය කරන්නට විය (පිටුව 45)


උපුටා ගැනිම අවසන්


ඇයි ත්‍රස්තවාදියෙක් වූයේ
උපුටාගැනිම
සත්‍යශිලි නම් වූ ඔහු මා සමඟ එකම පන්තියේ පෞද්ගලික අධ්‍යාපනය ලැබූවෙකි. ගුවන්ප්‍රහාරයකින් ඔහු මියයාම හැඟුම් බර තත්වයක් ඇතිකලේය (පිටුව 20)

සිසුන් නොමැති පාසල්, වල් වැදුණු වෙල් යායවල්ද මා තුල අසහනකාරි මානසික තත්වයක් නිර්ඹාන්‍ය කලේය (පිටුව 20)

ඉගෙන ගෙන විශ්වවිද්‍යලායට යා යුතුය යන්නෙහි මම දැඩි අධ්ෂ්ඨානයක සිටියමි එහෙත් රටේ වර්ධනය වෙමින් තිබු යුද්ධ කුණටවට අපගේ සාධාරණ සිහිනයන් අසුවි ගසාගෙන යනු ඇතැයි මම ඒ මොහෙතේ දැනගෙනනොසිටියෙමි (පිටුව 50)

තුවක්කු වෙඩි ශබ්ද ඇසිම සමාන්‍ය දෙයක් විය, කවුදෝ වෙඩි තිබුූ බවත්, කවුදෝ මිය ගිය බවත් වැඩිහිටියෝ රහසේ කතා බහ කළහ පිටුව (51)

අපගේ නිවසේ තාප්පයේ කිසියම් සංවිධනයක තරුණයෝ දෙදෙනෙක් පත්‍රිකා අලවිමින් සිටියදී (පිටුව 51)

අපගේ පාසලේ වූ උසවතුර ටැංකියේ සංවිධාන වල පොස්ටර් ඇලවිම සමාන්‍ය දෙයක් විය. විවිධ සංවිධාන අතර තරඟකාරි බවක් ඇතිවූ බැවින් ඉතා හොඳ යහලුවන්ද ගැටුම ඇති කරගෙන වෙන් වූහ (පිටුව 52)

ඔවුන් රැගෙන එන ආයුධ සහ අධිෂ්ඨානය පිරි මුහුණුද සිතෙහි ගැඹුරින් පැලපදියම්වෙයි (පිටුව 52)

රටට විමුක්තිය උදාකරගැනිම සඳහා හමුදාව සමඟ යුද්ධ කලයුතු යැයි පැවසූ අයියාලම ඔවුන් නොවුන් අතර ගැටුම්  ඇතිකරගන්නේ කුමක් නිසාද යන්න (පිටුව 54)

අපිට විතරක් අැයි බන් ම‍ේ වගේ ජිවිතයක්? ලොකේ කොයි තරම් වෙනස් වෙලාද? අපි තවමත් කැලවල් වල (පිටුව 177)

මහජනතාව වෙනුවෙන් සටන් වදින්නේ ඔවුන්ව ඇපට තබා ගනිමින්ද (පිටුව 193)

අපිත් අනික් අය වගේ ජීවත් උනා නම්‍ කොයි තරම් හොඳට ජිවත් වෙනවද (පිටුව 205)

උපුටා ගැනිම අවසන්


ත්‍රස්තවාදයට ජාත්‍යන්තර පිළිගැනිම හා 2002 රනිල්ගේ ගිවිසුම
වැඩි ජානතාවක් බලෙන් සහභාගි කරගමින්, මෙම සටන ජනතාවගේ සටනක් ලෙස එත්තු ගැන්වීමට උත්සාහ දරුවේය.

උපුටා ගැනිම
අරඟලය යනු මහජන අරඟලයක්ය යන්න ජාත්‍යන්තරයට පෙන්වා දීම (පිටුව 31)

නිති පරිපලාන අංශය 1991 වසරේදි ආරම්භ කර තිබුණි. එහෙත් උසාවි ආරම්භ කරතිබුනේ නැත (පිටුව 76)

ස්වල්ප මොහොතකින් හමුදා නිලධාරියා තම භට පිරිස් වහාම කඳවුරට පිටත් කළේය (පිටුව 127)

අංශ භාරකරු හෙලිකොප්ටරයෙන් පැමණ අවසන් කටයුතු වලට සම්බන්ධ වුයේය (පිටුව 134)

ඔවුන්ව ‍වෛද්‍ය ප්‍රතිකාර සඳහා කොළඹට රැගෙන ගියෝය (පිටුව 136)

අත්සන් කලා, දැන් තමයි පිරිස් බලය වැඩි කරන්න ඕනේ සාම සක්ඡ්චා තියේනනේ බාහිර ලෝකයට මිස අපිට නොවේ (පිටුව 142)

සමූහ ඝාතන සිද්ධ කෙරුවේ ඒ අය විතරක් කියලා හිතන්ඩ එපා. කොටිත් තොත්ත බබලානෙමෙයි (පිටුව 147)

විදෙස් රටවල සිටි පැමිණි අයතට ඕමන්තෙන් මෙහාට වෙනම රටක් තමන් දුටු බව පවසමින් උද්දාමයට පත් විය (පිටුව 175)
උපුටා ගැනීම අවසන්

ප්‍රභාකරන්
ජනතාව දිනා ගැනිමට බොහෝ දේ උත්සාහ කරන ලදී

උපුටාගැනිම
කන්තාවන්ගේ ප්‍රශ්න කාන්තාවන් තමා කතා කරන්න ඕනේ ලියන්ඩ ඕනේ එතකොට තමයි ඒක සත්‍යක් වන්නේ (පිටුව 34)

මහින්ද ජනාධිපති උනොත් අනිවර්යයයෙන්ම යුද්ධය පටන්ගන්නවා (පිටුව 164)


උපුටා ගැනීම අවසන්

එල්ටිටි LTTE

උපුටාගැනිම
එහෙත් සංවිධනායේ නියෝජ්‍ය නායකයාව සිටි මහත්තයා තම වගකීම් යටතේ සිටින පහළ තනතුරු දැරූ සටන්කාමින්ට දඩුවම් නොකළ අතර "ඔයාලාගේ වැරදි නායකතුමාට කිවවොත් මොකද වෙන්නේ කියලා දන්නවානේ" ... කොන්දේසි යටතේ ඔවුන්ව අතවැසින් බවට පත් කරගන්නා ලදී ( පිටුව 96 )

මර්දනය‍ට එරෙහිව  සටන් කරන බවට පැවසූ අපේ ව්‍යපාරය මෙම අහිංසක ජනායගේ ජීවන අයිතිය මර්දනය .. (පිටුව 98)

හමුදාව වඩමාරච්චි ප්‍රදේශය අත්පත්කරගත් පසු ..... LTTE ශබ්ද විකාශන යන්ත්‍ර මාර්ගයෙන් වහ වහා දැනුම් දුන්නේ කැමැත්තෙන් හෝ අකමැත්තෙන් ජනතාව නවක්කුලම් යායුතු බවයි (පිටුව 101)

ජනතාව යුද්ධයෙදි සිදුකරනු ලබන ප්‍රහාරවලට මිදිව ජනතාව මරණයට පත් වෙනිම යුතු යන අදහසින් මෙවැනි තිරණ ගත් බව කොටි සංවිදානය හේතු වශයෙන් දැක්වුවත්  ඒ වෙනුවෙන් ජනතාව විදි දුෂ්කරතාවයන් හා ජනතාවට සිදුවු අහිමිවිම් සුලුපටු නොවිය(පිටුව 102)

කාන්තාව යුදධ පෙරමුණේ  බොහෝ ජයග්‍රහණ වලට හේතු  සාධකයක් වුවත් සමාජයෙහි කන්තාවන් විශයෙහි වූ මතවදායෙහි කිසි වෙනසක් කිරිමට අපට නොහිකි විය ( පිටුව 108)

සියලු දෙනා ඉදිරියේ කාන්තා සමාජිකයන් තුන් දෙනෙකුට මරණය හිමිවිය (පිටුව 110)

LTTE පුනරුත්තාපන සංවිධාන විසින් හදාවඩා ගත් දුරුවන්, පිළිසරණක් නැති කාන්තාවන් වැඩිහිටියන් මානසිකව දුර්වලව සිටි ස්ත්‍රීන් මෙන්මපුරුෂන්ද අවසානයෙහි අත්හැර දමූහ (පිටුව 115)

අපේ දරුවෝ රට වෙනුවනේ කියලනේ සටන් කරන්න ගියේ සංවිදානය විශ්වාස කරලා ගිය ළමයිව සංවිධානෙන් මරලා දැම්මානේ (පිටුව 124)

දරුණු ලෙසින් පිඩාවට පත්ව සිටි ජනතාව කොටින් විසින් සූරාකනබව (පිටුව 158)

කොහොමද වැඩේ කොනිත්ත කොනිත්ත හිටියා දුන්න පාර (පිටුව 162)

පිටරටවල ඉන්න අපේ මිනිස්සුන්ගේ සල්ලි නේද මේ නිකරුනේ පුච්චලා දන්නේ (පිටුව  169)

වන්නියේ කොටි පාලනයේ සිටි මිනුස්න්ගේ තත්වය විස්තර ‍කළ නොහැක (පිටුව 173 )

යුද්ධයේ අවසන් අදියර පැවැති දවස් වල ජනතාවගේ යහපත මදක්වත් සිතා බැලුවේ නැත (පිටුව 189)

යුද්ධය අවසාන අදියරේදි අපේ ජනතාව අත්විඳි‍ ඛේදවාචකයන්  පිළිගැනිමට නොහැකිය (පිටුව 192)
උපුටා ගැනීම අවසන්

ඉන්දිය හමුදාව
උපුටාගැනිම
ගැහැණු ළමුන්ට එය මහත් සේ බියකරු විය. යාපනයේ සමහර තැන්වල තරුණියන්ට ඉන්දීය හමුදාව ලිංගික අතරව කරන බව ජනතවා අතර ප්‍රචලිත විය (පිටුව 55)

පාසලේ විදුහල්පතිගෙන් කුමක්දෝ අසා ඔහුට පහර දෙන්නට පටන් ගත්හ.... සිසුන් ක්‍රිඩාපිටයට කැඳවා ඔවුන්ට අත් ඔසවා දණ ගසා සිටින ලෙස අණ කෙරුනි (පිටුව 56)
උපුටා ගැනිම අවසන්

ශ්‍රි ලංකා හමුදාව
සටන්කාමී සහෝදරියන් හිස හැරුණු අත දිවගෙන ගිය බවත්, ඔවුන්ගෙන් තුවාල වලට ශ්‍රිලංකා හමුදාව ප්‍රතමාධාර ලබා දී ගෙවල් වලට පිටත් කල හැරි බවත් (පිටුව 122)

දිගදුර විහිදුම් බලකාය අපිව විස්මයට පත් කල ප්‍රහාර එල්ල කලේය (පිටුව 184)

උක්තයෙන් සඳහන් කර ඇත්තේ තමිළනී ජෙයක්කුමාරන් විසින් ලියන ලදුව, සාමිනාදන් විමල් විසින් පරිවර්තනය කරන ලද  තියුණු අසිපතක සෙවණ යට නම් කෘතියේ සාරාංශයයි

යුද්ධය බිහිසුනුය. නමුත් ඔවුන් යුද්ධයකට අතවැනුයේ නම් අපි දීන වන්නෙමුද?
වැප්

Tuesday, September 13, 2016

මගේ රට

දැහැමි දැයට ලේ  හලලා
බුදු සමිඳුගේ හිස පලලා
රුදුරු පයින් කොත තලලා
උන් සටනට කල බලලා

විරු සිහලුන් තද නින්දේ
සිල් හිමියන් පර දපනේ
මහ රජිඳන් නැත මානේ
සිව් හෙළයන් රට අයිනේ

අපට හෙටක් නැත ආයේ
මටම රටක් නැත ආයේ
තොපිට හඩක් නැත ආයේ
රටට රජෙක් නැත ආයේ

හිඟා කන්න දෑත් අයා
බලා ඉන්න දෑස් දවා
අහන් ඉන්න දුෂ්ට කතා
දිවි යදින්න නැමද දෙපා

වැප්




Friday, February 26, 2016

බතලේගල

දින තුනක දිර්ඝ නිවාඩුවට(2016 පෙබරවාරි 20 21 22) පොලොන්නරු යාමට සිටියත්, ඒ ගමන අතරමග නැවතුනේ පොලොන්නරු යන එක සගයෙක් බතලේගල යාමට නියමිත බව අමතක වි පොලොන්නරු ගමන යොදාගෙන තිබූ බැවිනි. කෙසේ වෙතත් සිදුවූ වචන වැරද්ද නිවැරදි කරගනිමට දෝ මා හටත් බතලේගල යාමට ආරාධනාවක් ලැබී තිබුනේ මොටර් රථයේ එක් අයකුට යාමට ඒ වනවිටත් අසුනක් ඉතුරු වූ බැවිනි.

මෙවර චාරිකා සටහන

ස්ථානය :-  බතලේගල
කොළඹ සිට දුර යාමට හා ඒමට :- ආසන්ව කිමි 200(කොළඹ->මාවනැල්ල->බතලේගල )
නැරඹිය හැකි දේ :-  බතලේගල කන්ද



කන්ද පාමුල සිට කොන්ක්‍රිට් කරන ලද පාරක් ඇතත්, පාමුල සිට කන්ද මුදුනට ඇත්තේ තැනින් තැන කැඩි ගිය පඩි සහිත අතිදුෂ්කර නමුත් සුන්දර වටපිටාවක් සහිත මාර්ගයකි. වර්ෂ 1997 දි පමණ සැදූ ආවාස ගෙයක් සහිත පන්සල දැන් අභාවයටම ගොස්ය. චෛත්‍ය සහිත මලුවේ තණකොල වැවි ඇත. හැකි පමණ උදුලු ගා දැමිමට අපි කණ්ඩායමද අමතක නොකලෙමු. අප කන්ද මුදුනට ලඟාවන විට සවස් වි තිබුණද. වෙනත් කණ්ඩායමක් එහි ලඟා වි නොසිටි නිසාම හොඳම ස්තානය අප අත්පත් කරගත්තෙමු:D 

යකඩ ආවරණයක් සහිත සිරිපතුල සඳහා රු 100 ක් කවුලුව අතරින් දැමුවද, පසුදා පහන් වන විට එහි තිබූ බෝහෝ මුදල් අතුරුදහන් වී තිබුණි. අප හැර එහි, කෑගල්ල ස්වර්ණජයන්ති පාසලේ සිසුන්ද, තවත් ගමේම කණ්ඩායමක්ද පැමිණියේය. 

ගමනට සහභාගි වූ , නිශ්, තිසර, අමිල, කැලුම් , අරුණ හා චානුකටද , ඡායාරූප අනුග්‍රහ කැලුම් මහාතාටද  ස්තුතියි ඉතා රසවත්ව රෑ ආහාර වේලද පසුදා පරිප්පු ලූණු සම්බල් සමඟ පාන්ද සාදා දුන් අයට පින්ය. 

තිසර මහතාගේ  gopro එක නැතිවීම ගමනේ අමතක නොවන සිදුවිමකි එකම දුක නම් එයින් ගත් සෙල්ෆීය නැතිවීමයි:D . ගිනිමැලයට අවට තිබූ ඉටිකොල එක් කලෙමු:D ගෝවින්ද හෙළ හා රිටිගල යාමට ඔනෑකම ඇති ස්ථාන දෙකකි. 



Thursday, January 14, 2016

නැගෙනහිර ත්‍රිකුණාමලය

ත්‍රිකුණාමලය දිසාවට සංචාරයක් ගියේ පළමු වතාවට. පසුගිය සතිඅන්තයේ සෙනසුරාදා ඉරිදා කලින් සැලසුම් කරපු විදිහට ත්‍රිකුණමලය අාවරණය කලා. ඒ විස්තරය ඔන්න පහළින් තියනවා

මෙවර චාරිකා සටහන

ස්ථානය :-  ත්‍රිකුණාමලය
කොළඹ සිට දුර යාමට හා ඒමට :- ආසන්ව කිමි 700 (කොළඹ->හිරිවඩුන්න->මාබල් බිච්->ත්‍රිකුණාමලය->නිලාවෙලි->;තිරියාය->නිලාවෙලි->වෙල්ගම්වෙහෙර->කන්නියා උණුවතුර ලිං-> සේරුවාවිල->කොළඹ )
නැරඹිය හැකි දේ :-  හිරිවඩුන්න, කෝනේෂ්වරම්, lovers leap, කන්නිය උණුවතුර ලිං, නිලාවෙලි වෙරළ, මාබල් වෙරළ(marble beach), තිරියාය ගිරිගඩු සෑය , වෙල්ගම් වෙහෙර, සේරුවාවිල


නවතින්න ස්ථානයක් කලින් වෙන් නොකර උදෑසන හයට පමණ කොළඹින් පිටත් විය, ප්‍රථමයෙන් හිරිවඩුන්නට ලඟාවිය. ‍සිදුහත් බෝසතානණ්වහන්සේ ලංකාවේ ඉපදුනා යයි විශ්වාස කරන පිරිස, උන්වහන්සේ සම්බෝධිත්වයට පත් වූයේ යයි පවසන ස්ථානය හිරිවඩුන්න නම් ගම්මානයයි. මෙම ගම්මානය පිහිටා ඇත්තේ හබරණට ආසන්නවය. පහතින් ඡායා රූප සහ උඩුගුවනේ සිට ගත් චලනචිත්‍රපට සටහනකුත් නැරඹිමට පුලුවන. බොහොම අලංකාරව කාපට් කරන ලද මාවතක් නැති මේ ගමේ හේන් වගාව දැනුඳු සිදු වෙයි නමුත් එම පන්සල භාරව සිටින නායක හාමුදුරුවෝ නම් පැවසුවේ 

අපි - කොළඹ ඉඳන් ආවේ, අන්තර්ජාලයේ තියනවා, බුදු හාමු.....
නායක හාමුදුරුවෝ - මොන පිස්සුද මහත්තයෝ. උන්වහන්සේ බුදු උනේ ඉන්දියාවේ, ඕක කියන්නේ අර මනුස්සයා
අපි - එතකට හාමුදරු‍වනේ අර වජ්‍ර්‍රාසනය
නායක හාමුදරුවෝ- ඒක අහන්න ඕනේ ඒක කියන කෙනාගෙන්ම තමයි. අන්න බෝධිය තියනවා ඒක බලලා යන්න

උක්තයෙන් සඳහන් කල දෙබසින් පසු අපි නැවත කිසිවක් ඇසීමට නොගියෙමු. සත්‍ය අසත්‍ය සෙවිම පසෙකින් තැබූ විට, නොදියුණු එම පන්සල දියුණු කිරිමට මිනිසුන් ගෙන්වා ගැනීමට උන්වහන්සේට හොඳටම අවස්ථාව ඇත. නමුත් උන්වහන්සේ එසේ නොකරණ සේක.  රහත් බව පවසමින් මමත්වය ඉස්මතු කරන පැවද්දන් සිටින අද සමාජය තුල උන්වහන්සේගේ අහිංසක ප්‍රතිරෝධය උන්වහන්සේ කෙරේ ගෞරවය තව තවත් වැඩි කරයි.

හිරිඩවුන්නට පසු ත්‍රිකුණාමලය දක්කවා යන අතර තුර හමු වන මුල්ම වෙරළ තීරය මබල් බීච්ය. නාවික හමුදාව විසින් නඩත්තු කරන එයට අැතුලු වීමට අවසර පතක් ගතයුතුය. දිගු වෙරළ තිරයකින් හෙබි එහි මුහුදු ජලය ලුණු රස අඩුය. 

අනෙකුත් ගිය ස්ථාන ඉහතින් සඳහන් කර ඇති පරිදි වන අතර, වෙල්ගම් වෙහෙර ගැන පමණක් වැඩි සටහනක් මේසේ ගෙන එමි. කොටි ත්‍රස්ථාවදි සමයේ දැඩිව ප්‍රහාරයට ලක්වූ එම ස්ථානය සුරක්ෂිත කරමින් එහි නායක ස්වාමින්වහන්සේ එහිම වැඩ සිට ඇත. බෝධින් වහන්සේට පවා මෝටර් ප්‍රහාර එල්ලි වී ඇත. වාර්තමානයේ කාපට් කරන ලද හොඳ පිවිසුම් මාර්ගයක් ඇත. වල් වැදි ඇති නටබුන් විශාල වශයෙන් ඇත. සටහනක් කියවා දල අදසක් ගත්තද, ඒ පෙදෙස් වලට ගොස් දැක බලා ගැනිම අවධාරණය කිරිමට කැමැත්තෙමි.

ගමන සඳහා එක් වූ තිසර හා අනුරාධ ට විශේෂ ස්තුතිය පුදකරමි. 

ගිහින් අවාට පස්සේ කට්ටිය ගොඩ දෙනෙක් කිව්වා ඇයි අපිට කිව්වේ නැත්තේ කියලා. එහෙම එන්න කැමති නම් ඊලඟ ගමනට සල්ලි එහෙම ලැස්ති කරන් ඉන්න අනිවා කියනවා, හැබැයි දැන්ම නම ලකුණු කරලා තියන්න;D ලංකා පටුනට යන්න හිටියට, වාහනයේ යට වදින හින්දා එහේ ගියේ නැහැ:D dutch beach pigeon island  ගියේ නැහැ :D සේරුවාවිල පන්සලේ රන් වැටක් තිබේ, එය පෞරාණීක්වයට සැහෙන හානියකි.  ඔඩෙල් එකෙන් ඇදුම්, රන් මාල, දාන එකෙක් කීවේ රන් වැටේ මුදලින් රට සංවර්ධනය කල හැකි බවයි.  එය අසත්‍යයක් නොවේ නමුත් ඔහුටත් එයට දායක විය හැකි බව මං කිව්වේ මේ විදිහටය //නිකන් ටි එකක් දාගෙන, සිප්පි කටු මාලයක් දැම්මා නම් ඉතුරු මුදල් රට සංවර්ධනයට දාතැහැකි නේද කියාලාය.:D \\ ඒ ගමන ගොස් එන විටදීය, නැතිනම් ගමන යාමට ඩයිවරයෙක් නැති වනවාය. ඊලඟ පාර යන්න තාම තැනක් නැතුවාය. තැනක් ඇතිනම් කියන්ඩල‍ා



හිරිවඩුන්න

හිරිවඩුන්න පන්සල

හිරිවඩුන්න - සංචාරක කර්මාන්තයට යොදා ගන්නා ගොන් බාන :D

හිරිවඩුන්න පන්සල අසල සිට උඩුගුවනට

කෝනේෂ්වරම්

ත්‍රිකුනාමලය

ගිරිගඩු සෑය

ගිරිගඩු සෑය

ගිරිගඩු සෑය

ගිරිගඩු සෑය

ගිරිගඩු සෑය

ගිරිගඩු සෑය

සමුද්‍ර විහාරය

සමුද්‍ර විහාරය

සමුද්‍ර විහාරය

වෙල්ගම් වෙහර විහාරයේ විහාරාධිපති හිමි

වෙල්ගම් වෙහර

වෙල්ගම් වෙහර

වෙල්ගම් වෙහර

වෙල්ගම් වෙහර

වෙල්ගම් වෙහර

වෙල්ගම් වෙහර



හික්කඩුව Sailors' Bay - Hikkaduwa - කොරෝනා

   කොවිඩ් ඇවිත් අවුරුද්දකටත් වැඩියි. ට්‍රිප් නොගිහින් අවුරුදු දෙකකටත් වැඩියි. ඔක්කොමත් හරි බ්ලොග් ඒකට පෝසට් ඒකක් අන්තිමට දාලා තියෙන්නේ 2019....